၀၀၂။ စူရာ အလ်ဘကရာ : ဂါဝီကဏ္ဍ အပိုင်း (၁) (အာယသ် ၁-၁၄၀) (မက္ကာမြို့တော်ကျ- အစောင် ၁၊ ကဏ္ဍ ၂၊ ၂၈၆ အာယသ်တော်၊ ၄၀ ရကူ)
October 6, 2021 2021-10-24 8:52၀၀၂။ စူရာ အလ်ဘကရာ : ဂါဝီကဏ္ဍ အပိုင်း (၁) (အာယသ် ၁-၁၄၀) (မက္ကာမြို့တော်ကျ- အစောင် ၁၊ ကဏ္ဍ ၂၊ ၂၈၆ အာယသ်တော်၊ ၄၀ ရကူ)
၀၀၂။ စူရာ အလ်ဘကရာ : ဂါဝီကဏ္ဍ အပိုင်း (၁) (အာယသ် ၁-၁၄၀) (မက္ကာမြို့တော်ကျ- အစောင် ၁၊ ကဏ္ဍ ၂၊ ၂၈၆ အာယသ်တော်၊ ၄၀ ရကူ)
Notice: Undefined index: options in /home/kpr4d695aq7d/public_html/wp-content/themes/edumall/elementor/widgets/original/section.php on line 45
၀၀၁ : ၁ မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။
၀၀၂ : ၇။ အလ္လာဟ်အရှင်မြတ်သည် ထိုသူတို့စိတ်နှလုံးများအပေါ် တံဆိပ်ခတ်နှိပ်လိုက်သည်၊ သူတို့၏ သောတအာရုံ နှင့် အမြင်အာရုံများအပေါ် အကာအကွယ်ရှိနေသည်။ ထို့နောက် သူတို့အဖို့ ကြီးလေးသော အပြစ်ဒဏ်သည် အသင့်ရှိနေပြီဖြစ်သည်။
၀၀၂ : ၈။ မနုဿလူသားများအနက် အချို့သော သူတို့သည်(ဥပါယ်တမျဉ်ဖြင့်) ကျွန်ုပ်တို့သည် အလ္လာဟ််အရှင်မြတ်ကို၎င်း၊ (ရှင်ပြန်ထရမည့်) နောက်ဆုံးနေ့ကို၎င်း၊ ယုံကြည်ကြပါ ၏ဟု ပြောဆိုကြ၏။ အမှန်သော်ကားထိုသူတို့သည် ယုံကြည် သော မုအ်မင် များမဟုတ်ကြပေ။
၀၀၂ : ၉။ အချို့သောသူတို့သည် အလ္လာဟ်အရှင်မြတ်ကို၄င်း နောင်တမလွန်ကို၄င်း ယုံကြည်သည်ဟုပြေဆိုပြီး စင်စစ် သူတို့သည် ယုံကြည်သောသူများ မု့မင်န်များမဟုတ်ကြေပေ။
၀၀၂ : ၁၀။ ထိုသူတို့၏စိတ်တွင် ဝေဒနာစွဲကပ်လျှက်ရှိ၏။ အလ္လာဟ်ရှင်သည် ထိုသူတို့၏ ဝေဒနာကို တိုးပွားစေတော်မူ၏။ ထိုသူတို့အတွက် ပြင်းပြသော အပြစ်ဒဏ်ကိုလည်းထားရှိ၏။ အဘယ်ကြောင့်ဆိုသော် ထိုသူတို့သည် မုသားပြောဆိုလေ့ရှိကြသည်။
၀၀၂ : ၁၁။ ထိုအသွင်ဆောင်သူတို့ကို မြေကမ္ဘာပေါ်ပြဿနာ မလုပ်ရန်ပြောဆိုသောအခါ ထိုသူတို့က မိမိတို့သည် အေးချမ်းအောင်သာ ပြုလုပ်သူများဖြစ်သည်ဟု ဆိုကြသည်။
၀၀၂ : ၁၂။ သတိပြုကြကုန်လော့၊ ထိုသူတို့သည် ပြဿနာသာ ပြုလုပ်ကြသူများဖြစ်သည်။ သို့သော် ထိုသူတို့သည် မသိနားမလည်သူများဖြစ်သည်။
၀၀၂ : ၁၃။ ထိုအသွင်ဆောင်သူများကို အသင်တို့ အီမာန်ယုံကြည်လော့ဟုပြောသောအခါ ထိုသူတို့က မိမိတို့ အသိဥါဏ်မွဲသူများကဲ့သို့ အီမာန်ယုံကြည်ရမည်လောဟု ပြန်ပြောကြ၏။ သတိထားကြကုန် ထိုသူတို့သည်သာ အသိဥါဏ်မွဲသူများဖြစ်ကြသည်။ သို့သော် ထိုသူတို့သည် (မိမိတို့မိုက်မဲကြောင့်ကိုပင်) မသိကြပေ။
၀၀၂ : ၁၄။ ထိုအသွင်ဆောင်သူတို့သည် အီမာန်ယုံကြည်သူများနှင့်တွေ့သည့်အခါ မိမိတို့သည် အီမာန်ယုံကြည်ပါသည်ဟုဆိုကြ၏။ ထို့နောက် သူတို့သည် သူယုတ်မာများနှင့် တွေ့ကြသည့်အခါ မိမိတို့သည် အသင်တို့နှင့် ၀ါဒအတူတူပင်ဖြစ်သည်ဟု ဆိုကြသည်။ အမှန်စင်စစ် မိမိတို့သည် မုမင်န်များနှင့် နောက်ပြောင် နေခြင်းသာဖြစ်သည်။
၀၀၂ : ၁၅။ အလ္လာဟ်အရှင်မြတ်သည်လည်း ၄င်းတို့ကို ပြက်ရယ်ပြု့သည့်အနေဖြင့် သူတို့ကို ၄င်းတို့၏ မောက်မာမှုဝယ် ကာလရှည်စွာထားလျက် သူတို့သည် မမြင်မကန်း လည်နေတော့မည်။
၀၀၂ : ၁၆။ ထိုသူများသည် မှန်ကန်သော အစ္စလာမ်သာသနာကို ပေးလှယ်ကာ လမ်းမှားကို ဝယ်ယူကြများဖြစ်ပြီး သူတို့သည် မိမိတို့၏ အရောင်းအဝယ်တွင် အမြတ်မရသည့်အပြင် လမ်းမှန်လည်း ရမည်မဟုတ်ပေ။
၀၀၂ : ၁၇။ သူတို့၏ အနေအထားကို ပမာပြရသော် လူတစ်ယောက်သည် ဆီမီးကိုထွန်းသည်။ အလင်းရောင်သည် ပတ်ဝန်းကျင်ကို လင်းစေသည့်အခါ အလ္လာဟ်အရှင်မြတ်သည် ထိုအလင်းရောက်ကို ရုတ်သိမ်းလိုက်ကာ ထိုသူကို အမှောင်တွင်းဝယ် ပစ်ထားလိုက်သည်။ ထိုအခါ သူတို့သည် မည်သည့်အရာကိုမျှ မမြင်နိုင်ကြတော့ပေ။
၀၀၂ : ၁၈။ ထိုအယောင်ဆောင်တို့သည် နားပင်းများ၊ ဆွံ့အများ၊ မျက်မမြင်များဖြစ်ကြကာ သူတို့သည် မည်သည့်အခါမျှ နောက်ပြန်လည့်ကြမည့်သူများ မဟုတ်ကြပေ။
၀၀၂ : ၁၉။ ထိုသူတို့၏ ဥပမာသည် မိုးတိမ်များ ဝိုင်းခံနေကြရသော်မူများပမာဖြစ်ပြီး၊ ၄င်းအတွင်း ပိန်းပိတ်သော အမှောင်၊ မိုချုန်းသံများ လျှပ်စီးများ၊ မိုးကြိုးပစ်သံများကြောင့် သူတို့သည် အသက်ဘေးစိုးရိမ်လျှက် မိမိတို့၏ နားပေါက်များကို လက်ချောင်းများဖြင့် ပိတ်ထားကြ၏။ အလ္လာဟ်အရှင်မြတ်၏ စွမ်းအားစက်ကွင်းမှ မည်သည့် ကာဖိရ်မှ လွတ်မြောက်ထွက်ခွါနိုင်မည်မဟုတ်ပေ။
၀၀၂ : ၂၀။ လျှပ်စီးအရောင်သည် သူတို့၏ စက္ခုအာရုံကို သိမ်းယူသွားမတတ်ဖြစ်၏။ လျှက်စီးလက်တိုင်း ထိုသူတို့သည် အလင်းအားကိုဖြင့် သွားလာကြ၏။ အလင်းမရတော့လျှင် ရပ်တန့်ကုန်၏။ အကယ်၍ အလ္လာဟ်အရှင်မြတ် လိုလားတော်မူလျှင် သူတို့၏ အကြားနှင့် အမြင်အာရုံများကို ရပ်တန့်စေနိုင်၏။ အလ္လာဟ်အရှင်မြတ်သည အရာခပ်သိမ်းအပေါ် ထိန်းသိမ်းနိုင်စွမ်းတော်မူ၏။
၀၀၂ : ၂၁။ အို လူသားအပေါင်းတို့ အသင်တို့၏မွေးမြူဖန်ဆင်းရှင် အလ္လာဟ်အရှင်မြတ်ကို ခဝပ်ကိုးကွယ်ကြလော့၊ ထိုအရှင်မြတ်သည် အသင်တို့ကို၄င်း၊ အသင်တို့အလျင် သူတို့ကို၄င်း ဖန်ဆင်းတော်မူခဲ့ပြီး၊ သို့မှသာ အသင်တို့သည် သူတော်စဉ်များဖြစ်တန်သတည်း။
၀၀၂ : ၂၂။ အလ္လာဟ်အရှင်မြတ်သည် အသင်တို့အတွက် ပထဝီမြေကို အခင်းဖြင့်၄င်း၊ မိုကောင်းကင်ကို အမိုးအဖြစ်၄င်း ပြုလုပ်ပေး၍၊ မိုးကောင်းကင်မှ မိုးရေကို ရွာသွန်းစေကာ ကောက်ပဲသီးနှံများကို အသင်တို့၏ ရိက္ခာအဖြစ် ပေါက်ရောက် စေတော်မူသည်။ သို့ဖြစ်၍ အလ္လာဟ်နှင့် တွဲဖက်လျှက် မည်သည့်အရာကိုမျှ ယှဉ်ပြိုင်မကိုးကွယ်သင့်ကြောင့် အသင်တို့အသိဖြစ်သည်။
၀၀၂ : ၂၃။ ငါ၏ တမန်တော်ထံ ပို့ချခဲ့သည့် ကျမ်းမြတ်အပေါ် ယုံမှားသံသယရှိခဲ့လျှင် ထိုကျမ်းမြတ်နှင့် အလားတူ ကဏ္ဍတစ်ခုမျှ စီကုန်းယူဆောင်လာကြလော့။ အကယ်၍ အသင်တို့သည် မှန်ကန်သူများဖြစ်လျှင် ထိုသို့ စီကုံးရာတွင် အလ္လာဟ်အရှင်နှင့် ပြိုင်ဆိုင်ကာ အသင်တို့ကို ကူညီမည့်သူများကိုလည်း ခေါ်ဆောင်ခဲ့လော့။
၀၀၂ : ၂၄။ အသင်တို့သည် ထိုသို့ယှဉ်ပြိုင်လုပ်ရန် ယခင်လည်း မလုပ်နိုင်သလို နောင်လည်း လုပ်နိုင်မည်မဟုတ် ပေ။ သို့ဖြစ်၍ ကာဖိရ်များ ကျောက်တုံးကဲ့သို့ မီးစာဖြင့်ပြီးသော ငရဲမီးမှ ဝေးစွာရှောင်ရှားကြကုန်။ ကာဖိရ်များအဖို့ ထိုမီးကို အသင့်ပြုလုပ်ထားပြီးဖြစ်သည်။
၀၀၂ : ၂၅။ အီမာန်ယုံကြည်ပြီး ကောင်းမှုလုပ်ကြသူများကို သတင်းကောင်းပေးကြလော့၊ ထိုသူတို့အတွက် စမ်းချောင်းများ တသွင်သွင်စီးဆင်းလျှက်ရှိသော အမတဂျန္နသ်သုခဘုံများ အသင့်ရှိ၏။ ထိုသူတို့အား သစ်သီးဝလံများ ကျွေးသည့်အခါ သတို့က မိမိတို့သည် စားသုံးခဲ့ဘူးသည်ဟု ဆိုကြအ့ံ၊ ထို့နောက် သူတို့ကို သဏ္ဍန်တူသော သစ်သီးများလည်း ကျွေးခံရအံ့၊ ၄င်းတို့အတွက် သန့်စင်သော ကြင်ဖက်များလည်းရှိအ့ံ၊ သူတို့သည် သုခဘုံတွင် အစဉ်နေထိုင်ကြရမည့်သူများဖြစ်သည်။
၀၀၂ : ၂၆။ အလ္လာဟ်အရှင်မြတ်သည် ခြင်ကောင် တစ်ကောင်ကဲ့သို့၄င်း၊ ၄င်းထက်သေးငယ်သော အရာဖြင့်၄င်း ဥပမာပေးခြင်းကို ရှက်တော်မူမည်မဟုတ်ပေ။ မုမင်န်များသည် ၄င်းအချက်ကို အလ္လာဟ်ဘက်တော်မှ သင့်လျှော်သော ဥပမာအဖြစ်သိမြင်ကြ၏။ ကာဖိရ်များကမှု အလ္လာဟ်အရှင်မြတ်သည် ဤသို့သေးနုတ်သော အကြောင်းကို ပုံဆောင်သည်မှာ ဘာကိုဆိုလိုသနည်းဟု မေးကြကုန်၏။ အလ္လာဟ်အရှင်မြတ်သည် ထိုသို့ပုံဆောင်ခြင်းဖြင့် များစွာသောသူတို့ကို လမ်းမှားသို့ပို့ဆောင်သလို များစွာသောသူများကို လမ်းမှန်သို့ ပို့ဆောင်လေ၏။ သို့သော် အရှင်မြတ်သည် မသူတော်များမှအပ အခြားမည်သူကိုမျှ လမ်းမှားသို့ ပို့ဆောင်တော်မမူပေ။
၀၀၂ : ၂၇။ ထို(သူယုတ်မာ)တို့သည် အလ္လာဟ်အရှင်မြတ်နှင့် သစ္စာထားခဲ့ပြီးမှ သစ္စာကို ဖောက်ဖျက်ကြ၏။ အချင်းချင်း ရင်းနှီးစွာဆက်ဆံရန် အမိန့်ရှိသည်ကိုလည်း ဖောက်ဖျက်ကာ အဆက်အသွယ်ဖျက်ကြ၏။ မြေကမ္ဘာတွင်လည်း ပြဿနာများဖန်တီးကြ၏။ စင်စစ် ထိုသူတို့သည် ပျက်စီးဆုံးရှုံးမည့်သူများဖြစ်ကြ၏။
၀၀၂ : ၂၈။ အို (မိစ္ဆာများ) အသင်တို့သည် အဘယ်ကဲ့သို့ အလ္လာဟ်အရှင်မြတ်ကို ကျေးဇူးကန်းကြသနည်း။စင်စစ် အသင်တို့သည် ယခင်က အသက်မဲ့အရာများသာဖြစ်ကြသည်။ ထို့နောက် အသင်တို့အား အသက်ရှိဖြစ်စေခဲ့သည်။ ထို့နောက် သေစေတော်မူပြီးနောက် အသင်တို့အားရှင်ပြန်တော်မူစေ မည်။ ထို့နောက်အသင်တို့သည် ထိုအရှင့်ထံသို့ပင် ပြန်လည်ရောက်ကြပေမည်။
၀၀၂ : ၂၉။ ထိုအရှင်မြတ်သည် အသင်တို့အကျိုးငှာ ပထဝီမြေတွင် ရှိရှိသမျှ ဝတ္ထုတို့ကို ဖန်ဆင်းတော်မူ၏။ ထို့နောက် အလ္လာဟ်အရှင်မြတ်သည် မိုးကောင်းကင်ဘက်သို့လှည့်တော်မူ၍ မိုးခုနှစ်ထပ်ကို နေသားတကျ ပြုလုပ်တော်မူ၏။ စင်စစ် အလ္လာဟ်အရှင်မြတ်သည် အရာခပ်သိမ်းကို အကြွင်းမဲ့သိတော်မူ၏။
၀၀၂ : ၃၀။ အို (တမန်တော် စဉ်းစားလော့) အကြင်အချိန် စေတမန်များအား ငါအရှင်သည် မြေကမ္ဘာပေါ်ဝယ် အာဒမ်အား မိမိကိုယ်စားလှယ်အဖြစ်ခန့်အပ်တော်မူမည်ဟု မိန့်ကြားတော်မူ၏။ ထိုအခါ စေတမန်တို့က အရှင်မြတ်သည် မြေပြင်ဝယ် အချင်းချင်း ရန်ဖြစ်ကြမည့်သူများ၊ သတ်ဖြတ်သွေးချောင်းစီးမည့်သူများ ကို မြောက်စားမည်လော၊ စင်စစ် ကျွနု်ပ်တို့သည် အရှင်မြတ်၏ မြင့်မြတ်တော်မူကြောင်း စင်ကြယ်တော်မူကြောင်း အစဉ် ချီးမွမ်းကြသူများဖြစ်ပါသည်။ ထိုအခါ အလ္လာဟ်အရှင်မြတ်သည် အသင်တို့မသိသော အကြောင်းများစွာ ကို ငါအရှင်သာလျှင် သိတော်မူသည်ဟု ပြောဆိုခဲ့၏။
၀၀၂ : ၃၁။ အလ္လာဟ်အရှင်မြတ်သည် အာဒမ်အား အမည်နာမများအားလုံးကို သင်ကြားပေပြီးနောက်၊ ၄င်းအမည်နာမများကို မလာအိကာများအားပြကာ ဤသို့ပြောဆိုလေသည်။ အကယ်၍ အသင်တို့သည် မှန်ကန်သူများဖြစ်က ဤသည််တို့၏ အမည်နာမများကို ငါအရှင်အား ပြောပြလော့။
၀၀၂ : ၃၂။ မလာအိကာတို့က ပြောဆိုသည်မှာ၊ ချီးမွမ်းခြင်းတို့သည် အရှင်မြတ်အတွက်သာဖြစ်ပါသည်။ မိမိတို့၌ အရှင်မြတ်သင်ပေးခဲ့သည့် ပညာရပ်မှတပါး အခြားမည်သည့်ပညာရပ်မှမရှိပါ။ စင်စစ် အရှင်မြတ်သည်သာ အကြွင်းမဲ့ သိတော်မူသောအရှင်၊ ဆင်ခြင်တုံတရားပြည့်စုံသောအရှင်မြတ်ဖြစ်ပါသည်။
၀၀၂ : ၃၃။ အလ္လာဟ်အရှင်မြတ်သည် အာဒမ်အားမိန့်လေသည်။ အသင်သည် ၄င်းတို့၏ အမည်နာမများကို သူတိုအား ပြောပြလော့။ အကြင်အချိန်တွင် အာဒမ်က ၄င်းတို့အား အမည်နာမများကို ပြောပြသောအခါ အရှင်မြတ်ကမလာအိကာတို့အား ဤသို့ပြောလေသည်။ ငါအရှင်မြတ်သည် မိုးနှင့်မြေအကြား ဖုံးကွယ်လျက်ရှိ သောအရာများအားလုံးကိုသိတော်မူကြောင်းအသင်တို့အား ပြောပြခဲ့သည်မဟုတ်ပါလား၊ ထို့အပြင်ငါအရှင် သည် အသင်တို့ ထုတ်ဖေါ်ပြောသည်များကို၄င်း ဖုံးကွယ်ထားသည်များကို၄င်း အကြွင်းမဲ့သိတော်မူသည်။
၀၀၂ : ၃၄။ အကြင်အချိန်၌ ငါရှင်သည် ကောင်းကင်တမန်များအား အာဒမ်ကို ဦးချကြဟုပြောသည့်အခါ၊ အားလုံးသော တမန်တို့သည် ဦးချကြကုန်၏။ သိုသော် အိဗ်လီးဆ် သည် ဆန့်ကျင်ခဲ့သည်။ သူသည် မောက်မာခဲ့ပြီး ကာဖိရ် ငြင်းပယ်သူများအနက်မှ ဖြစ်ခဲ့သည်။
၀၀၂ : ၃၅။ ထို့နောက် အလ္လာဟ်အရှင်မြတ်က အိုအာဒမ် အသင်နှင့် အသင်၏ဇနီးတို့သည် ဂျန္နသ်ဥယဉ်အတွင်းဝယ် နေထိုင်ကြကုန်၊ အလိုရှိရာနှစ်သက်ရာကိုတို့ကို စားသုံးကြကုန် သို့သော်အသင်တို့သည် ဤအပင်၏ အနားသို့ မချဉ်းကပ်ကြနှင့်၊ အကယ်၍ အသင်တို့သည် ၄င်းအပင်၏အသီး ကိုစားသုံးခဲ့လျှင် အသင်တို့သည် ပြစ်မှုကျူးလွန်သူများစာရင်းဝင်ဖြစ်သွားမည်။
၀၀၂ : ၃၆။ ထိုသို့နေထိုင်နေစဉ် ရှိုင်သွာန်သည် ထိုသစ်ပင်နှင့်စပ်လျှဉ်း၍ မာယာဖြင့် လှည့်ဖျားသွေးဆောင်ပြီး ထိုကြင်ဖက်နှစ်ဦးတို့အား တိမ်းပါးစေ၍ ထိုဥယျဉ်တော်မှ နှင့်ထုတ်လေ၏။ ထိုအချိန် ငါအရှင် မိန့်သည်မှာ အသင်တို့သည် တစ်ဦးနှင့် တစ်ဦး ရန်ဘက်ဖြစ်ကြအံ့၊ မြေပြင်တွင် အသင်တို့အတွက် သတ်မှတ်သည့် သက်တမ်းတိုင်အောင် နေစရာနှင့် အကျိုးခံစားခွင့်ရှိစေရမည်။
၀၀၂ : ၃၇။ ထိုအခါ အာဒမ် (အ) သည် မိမိအရှင်ထံမှ အချို့ဆုမွန်ဒိုအာများကို သင်ကြားကာ ခွင့်လွတ်မှုတောင်းခံသဖြင့် အလ္လာဟ်အရှင်မြတ်သည် အာဒမ်(အ) အားခွင့်လွတ်လေသည်။ စင်စစ် အရှင်မြတ် သည်သာ အစဉ် ခွင့်လွတ်တော်မူသောအရှင် ကြင်နာသနားတော်မူတော်အရှင်ဖြစ်သည်။
၀၀၂ : ၃၈။ ထိုအခါ အလ္လာဟ်အရှင် မိန့်သည်မှာ အသင်တို့အားလုံး မြေကမ္ဘာသို့ ဆင်းကြလော့၊ အကြင်အချိန် ငါအရှင်ထံမှ တရားတော်ရောက်လာခဲ့လျှင် မည်သူမဆိုထိုတရားတော်ကိုနာယူအ့ံ ထိုသူတို့သည် စိုးရိမ် ရမည်လည်းမဟုတ်သလို ပူဆွေးကြောင့်ကြရမည်လည်းမဟုတ်ပါ။
၀၀၂ : ၃၉။ မည်သူမဆို ငါ၏ တရားဒေသနာများကို လိမ်လည်ခဲ့သည်ဖြစ်စေ၊ ငြင်းပယ်ခဲ့သည်ဖြစ်စေ ထိုသူတို့သည် ငရဲတွင် ခံစားကြရသူများဖြစ်ပေမည်။
၀၀၂ : ၄၀။ အိုအီစရာအီလ်အမျိုးသားအပေါင်းတို့၊ အသင်တို့အပေါ် ငါအရှင်ပေးအပ်သည့် သုခချမ်းသာများကို သတိရကြကုန်၊ အသင်တို့သည် ငါအပေါ်ထားသည့် ဂတိသစ္စာကို တည်ကြကုန်၊ ငါအရှင်သည်လည်း အသင်တို့အပေါ်ထားသည့် ဂတိသစ္စာကို အတည်ပြုအ့ံ၊ အသင်တို့သည် ငါအရှင်ကိုသာ ကြောက်ရွံ့ကြကုန်။
၀၀၂ : ၄၁။ အိုအိစ်ရာအိလ်တို့၊ အသင်တို့သည် အသင်တို့ထံရှိ မှန်ကန်သော ကုရ်အာန်ကျမ်းမြတ်ကို လက်ခံကြကုန်၊ အသင်တို့သည် ထိုကျမ်းမြတ်ကို ပထမဦးဆုံး ငြင်းဆိုသူများ မဖြစ်စေနှင့်၊ ၄င်းကျမ်းမြတ်ကို အနည်းငယ်မျှသော ငွေဖြင့် မရောင်းချကုန်လင့်၊ ငါအရှင်မြတ်ကိုသာ ကြောက်ရွံ့ကြကုန်လော့။
၀၀၂ : ၄၂။ အသင်တို့သည် တရားမှန်ကို (ကုဖုရ်) မမှန်တရားနှင့် မရောကြလေနှင့်၊ အသင်တို့သည် တရားမှန်ကို အသင်တို့ကိုယ်တိုင်သိပြိးသကာလ ဖုံကွယ်မထားကြလေနှင့်။
၀၀၂ : ၄၃။ အသင်တို့သည် ဆွလာသ်ဆောက်တည်ကြကုန်၊ ဇကာသ်ပေးကြကုန်လော့။ ထို့အပြင် ကိုင်းညွှန့်သူ ရကူလုပ်သူများနှင့်အတူ ညီညာစွာ ရကူလုပ်ကြပေလော့။
၀၀၂ : ၄၄။ အသင်တို့သည် လူတို့အား ကောင်းမှုပွားများရန် ဆုံးမကြကုန်သော်လည်း မိမိကိုယ်ကိုဆုံးမရန် မေ့လျှော့နေကြအ့ံ၊ အသင်တို့သည် ငါအရင်၏ ကျမ်းမြတ်ကို ဖတ်ရွတ်ကြကုန်သော်လည်း နားမလည်ကြအံ့။
၀၀၂ : ၄၅။ အသင်တို့သည် ခံတီးတရားဆွဗာရ်ဖြင့် ဝတ်ပြုလျှက် အကူအညီတောင်းယူကြကုန်၊ စင်စစ် ထိုဆွလာသ်ဝတ်ပြုခြင်းသည် ကျိုးနွံ့တတ်သူများမှအပ အခြားသူများအတွက် အလွန်ကြီးမားသော တာဝန်တစ်ရပ်ဖြစ်သည်။
၀၀၂ : ၄၆။ ထိုခံတီးတရားထားသူမုမင်န်တို့သည် မိမိ၏မွေးမြူဖန်ဆင်းရှင်အား ဖူးတွေ့ကြမည်ဖြစ်သည်ဟူ၍၄င်း ထိုအရှင်ထံ ပြန်လှည့်ကြမည်သူများဖြစ်သည်ဟူ၍၄င်း ယုံကြည်ကြကုန်၏။
၀၀၂ : ၄၇။ အိုအီစရာအီလ်အမျိုးသားအပေါင်းတို့၊ အသင်တို့အပေါ် ငါအရှင်ပေးအပ်သည့် သုခချမ်းသာများကို သတိရကြကုန်၊ ထို့အပြင် စကြဝဠာအတွင်း အသင်တို့အားထူးကဲစွာ ချီးမြင့်ခြင်းကို သတိရကြကုန်။
၀၀၂ : ၄၈။ အသင်တို့သည် သေပြီးနောက် ရှင်ပြန်ထမည့်နေကို ကြောက်ရွံ့ကြကုန်၊ ထိုနေ့သည် မည်သူမျှ မည်သူ့ကို အကျိုးပြုနိုင်မည်မဟုတ်သလို၊ မည်သူတစ်ဦးတစ်ယောက်မျှ၏ အသနားခံခြင်းကို ငါအရှင် လက်ခံမည်မဟုတ်သလို မည်သူတစ်ဦးတစ်ယောက်မျှ အစားပေးခြင်းမည်းမခံစားရနိုင်ပါ။ အကူအညီလည်း ပေးအပ်ခြင်းမခံရနိုင်ပါ။
၀၀၂ : ၄၉။ တစ်ကြိမ် ငါအရှင်သည် အသင်တို့အား ဖိရ်အောင်၏ နောက်လိုက်များရန်မှ လွတ်မြောက်တော် မူခဲ့သည်။ ထိုသူတို့သည် အသင်တို့အပေါ် ဆိုးရွားသော ရက်စက်မှုကို သက်ရောက်စေခဲ့သည်။ အသင်တို့၏ သားယောက်ျားများကို သတ်ဖြတ်ကြ၍ သမီးမိန်းခလေးများကို ချန်လှပ်ထားကြ၏။ ဤသည်မှာ အသင်တို့ အတွက် အသင့်တို့၏အရှင့်ထံမှ ကြီးမားသော စမ်းသပ်ချက်တစ်ခုဖြစ်သည်။
၀၀၂ : ၅၀။ တစ်ကြိမ်ငါအရှင်သည် အသင်တို့အား ဖိရ်အောင်၏နောက်လိုက်များရန်မှ မြစ်ကိုခွဲ၍ ကယ်တင် တော်မူခဲ့၏။ ဖိရ်အောင်န်၏ နောက်လိုက်များကို နှစ်မြှုပ်လိုက်။ ထိုအချင်းအရာကို အသင်တို့သည် ကြည့်နေကုန်ကြ၏။
၀၀၂ : ၅၁။ တစ်နေ့သောအခါ ငါအရှင်သည် မူစာ (အ) အား ရက်လေးဆယ်လွန်လျှင် (ကျမ်းချပေးရန်) ဂတိထားတော်မူ၏။ ထိုသို့ မူစာ(အ) သိနတောင်ပေါ်သတင်းသုံးနေခိုက် အသင်တို့သည ် နွားရုပ်ကို ဘုရား အဖြစ် ရုပ်ထုလုပ်ကာ ကိုးကွယ်ကြကုန်၏။ စင်စစ် အသင်တို့သည် ကျူးလွန်သူများဖြစ်ကုန်၏။
၀၀၂ : ၅၂။ အသင်တို့ ထိုနွားကို ကိုးကွယ်ကြသည့်တိုင်း ငါအရှင်မြတ်သည် အသင်တို့အားခွင့်လွတ်ခဲ့၏။ သို့မှသာ အသင်တို့သည် ငါ့အရှင်အား ကျေးဇူးတင်ကြမည်ဖြစ်သည်။
၀၀၂ : ၅၃။ တစ်ရံရောအခါ ငါအရှင်မြတ်သည် မူစာ(အ)အား တောင်ရာသ် ကျမ်း၊ အမှားအမှန်ကို ခွဲခြားပြသည့်ကျမ်းကို ထုန်ပြန်ပို့ချခဲ့သည်။
၀၀၂ : ၅၄။ တစ်နေ့သောအခါ မူစာ(အ)သည် မိမိအမျိုးသားတို့အားပြောသည်မှာ အိုအမျိုးသားအပေါင်းတို့ အသင်တို့သည် နွားကိုကိုးကွယ်ခြင်းဖြင့် မိမိတို့ကိုယ်ကို ညှင်းပန်းနှပ်စက်ခဲ့ပြီ။ အသင်တို့သည် မိမိတို့၏ မွေးမြူရှင်ထံ တောင်းပန်ကြလေကုန်၊ ထို့နောက်အသင်တို့သည် အချင်းချင်း သတ်ဖြတ်ကြကုန်ပြန်၏။ စင်စစ် တောင်းပန်ခြင်းသည် အသင်တို့၏ အရှင်ထံတော်ဝယ် ကောင်းမြတ်ခြင်းဖြစ်၏။ ထို့နောက် အရှင်မြတ်သည် အသင်တို့အား ခွင့်လွှတ်တော်မူ၏။ အကြောင်းမှာ အရှင်မြတ်သည် အကြိမ်ကြိမ် တောင်းပန်မှုကို လက်ခံတော်မူသောအရှင်မြတ်ဖြစ်သည်။
၀၀၂ : ၅၅။ တစ်ကြိမ် အသင်တို့က အိုမူစာ မိမိတို့သည် အလ္လာဟ်အရှင်မြတ်အား မျက်ဝါးထင်ထင် မတွေ့သမျှ အသင့်အား အလျှင်းယုံကြည်မည်မဟုတ်ဟု ပြောဆိုကြ၏။ ထိုအခါ အသင်တို့အား မိုးကြိုးလောင်မီးသည် ဖမ်းဆီးကွပ်မျက်လိုက်သည်။ ၄င်းအချင်းအရာကို အသင်တို့ကိုယ်တိုင် တွေ့မြင်ခဲ့ကြသည်။
၀၀၂ : ၅၆။ အသင်တို့သေပြီးသည့်တိုင်မှပင် ငါအရှင်မြတ်သည် အသင်တို့အား တဖန်ပြန်လည်ရှင်သန်စေတော်မူ၏။ သို့မှသာ အသင်တို့သည် ကျေးဇူးတင်ကြမည်။
၀၀၂ : ၅၇။ ငါအရှင်မြတ်သည် အသင်တို့အပေါ် မိုးတိမ်များကို အရိပ်အဖြစ်ပြုလုပ်ခဲ့သည်။ ထို့အပြင် ငါအရှင်သည် မန္နဟူသော အစာတစ်မျိုးနှင့် ဆွလ်ဝါဟူသော ငုံး ငှက်တစ်မျိုးကို အစာအဖြစ်ပေးအပ်ခဲ့သည်။ ထို့အခါ အသင်တို့သည် ငါအရှင်ပေးအပ်သည့် ကောင်းနိုးဖွယ်ရာ အစာများကို စားသုံးကြ၏။ စင်စစ် အသင်တို့သည် ငါအရှင်မြတ်အား နှိပ်စက်သည်မဟုတ်ဘဲ အသင်တို့ကိုယ်ကိုသာ နှိပ်စက်ကြသူများဖြစ်သည်။
၀၀၂ : ၅၈။ တစ်ကြိမ် ငါအရှင်မိန့်သည်မှာ အသင်တို့သည် ဤမြို့သို့ဝင်ရောက်၍ ဆန္ဒရှိသည့် အလျှောက် စားသုံးကြကုန်၊ ထို့အပြင် ဝပ်တွား၍ ဤမြို့တံခါးမှ ဝင်ကြကုန်၊ (ဟိတ်တတွန်-ကျွနု်ပ်တို့အားခွင့်လွှတ်ကြကုန်) ဟုလည်းမြွက်ဆိုကြကုန်၊ ထိုအခါ ငါအရှင်သည် အသင်တို့၏ အပြစ်များကို ခွင့်လွှတ်တော်မူမည်။ ထို့အပြင် ငါအရှင်သည် ကောင်းမှုပြုသူများကို အကျိုးဆထက်တိုး၍ပေးအပ်မည်။
၀၀၂ : ၅၉။ သို့သော် ထိုသူတို့သည် မိမိတို့အား ပို့ချသည့် စကားနှင့် မတူသော စကားကို ပြောင်းလွဲသုံးကြသည်။ ထိုအခါ ငါအရှင်သည် ထိုသူတို့အပေါ် ဒုစရိုက်မှုပြုသည့်အတွက် မိုးကောင်းကင်မှ ရောဂါကပ်ကို ဆိုက်ရောက်စေသည်။
၀၀၂ : ၆၀။ တစ်ခါ မူစာ (အ) ငါအရှင်မြတ်ထံမှ မိမိအမျိုးသားတို့အတွက် သောက်သုုံးရေကို တောင်းခံရာ ငါအရှင်က အသင်သည် မိမိတောင်ဝှေးဖြင့် ကျောက်တုံကို ရိုက်ခတ်ပါဟု မိန့်လေသည်။ ထိုသို့ရိုက်ခတ်သော အခါ ကျောက်တုံးသည် ကွဲအက်၍ စမ်းချောင်း ၁၂ သွယ်တို့သည် ပန်းထွက်လာပါသည်။ ထိုအခါ သူတို့သည် မိမိတို့အမျိုးအနွယ်အလိုက် ရေသောက်သုံးရာ နေရာကို မှတ်ထားကြသည်။ အသင်တို့သည် ငါအရှင်မြတ် ပေးသနားသော စားစရာ သောက်များကို စားသုံးကြလော့၊ ထို့အပြင် အသင်တို့သည် မြေပြင်ဝယ် ဆူပူသူများ အဖြစ် မသောင်းကြမ်းကြလေကုန်။
၀၀၂ : ၆၁။ တရံရောအခါ အသင်တို့သည် မူစာ(အ)အား ကျွနု်ပ်တို့သည် မန္န နှင့် စလ်ဝါ ကိုစားသုံးနေရခြင်းကို မတင်းတိမ်နိုင်ကြပါ၊ သို့ဖြစ်၍ မိမိတို့အတွက် မြေမှပေါက်သော ဟင်းသီးဟင်းရွက်များဖြစ်သည့် သခွါးသီး၊ ဂျုံများ၊ ပဲရာဇာနှင့် ကြက်သွန်နီ ပေါက်ရောက်စေရန် အသင့်၏ ဖန်ဆင်းရှင်အား ပြောကြားပေးပါဟုဆို၏။ ထိုအခါ မူစာ(အ) အသင်တို့သည် အလွန်ကောင်းသောအရာကို အလွန်ညံ့သောအရာဖြင့် လဲလှယ်လိုကြ သလော၊ သို့ဖြစ်လျှင် မြို့တစ်မြို့သို့ ဝင်ရောက်ကုန်ကြလော့ဟုမိန့်လေသည်။ ထိုကြောင့်လည်း သူတို့အပေါ် ဂုဏ်မဲ့ခြင်းနှင့် ဆင်းရဲဒုက္ခတို့သည် အတည်ဖြစ်ခဲ့၏။ ထို့အပြင် အလ္လာဟ်အရှင်မြတ်၏ အမျက်တော်စူးရှခြင်းကို ခံစားရလေသည်။ အကြောင်းမှာ သူတို့သည် အလ္လာဟ်အရှင်မြတ်၏ တရားတော်များကို ငြင်းဆန်သည့်အတွက်၄င်း၊ နဗီတမန်တော်များကို သတ်ဖြတ်လေ့ရှိသည့်အတွက်၄င်းဖြစ်သည်။ ထိုသို့ ပြစ်မှုကျူးလွန်ခြင်းသည် အမိန့်ဖီဆန်ခြင်းနှင့် စည်းကမ်းမလိုက်နာခြင်းကြောင့်ပင်တည်း။
၀၀၂ : ၆၂။ ယဟူဒီဖြစ်စေ၊ ခရစ်ယန်ဖြစ်စေ။ ဆွာဗအီဖြစ်စေ မည်သူမဆို အလ္လာဟ်အရှင်ကို၄င်း၊ ကိယာမသ်နေ့ ကို၄င်း ယုံကြည်၍ ကောင်းမြတ်သော သီလကိုစောင့်ထိန်းလျှင် ထိုသူတို့အဖို့ အလ္လာ့ထံတော်၌ ကုသိုလ်အကျိုး သည်အသင့်ရှိ၏။ သူတို့အဖို့ စိုးရိမ်စရာလည်းမရှိသလို ပူဆွေးစရာလည်းမလိုပါ။
၀၀၂ : ၆၃။ တစ်ခါ ငါအရှင်သည် အသင်တို့အပေါ် (တူရ်) တောင်ကို ပင့်လျှက် အသင့်တို့ထံမှ တရားနှင့်အညီကျင့်ကြံမည့် ဝန်ခံချက်ကို ယူခဲ့၏။ ငါအရှင်ပေးအပ်သည့် တောင်ရာသ် ကျမ်းကို စွဲမြဲစွာ လက်ကိုင်ထားကြလော့၊ တရားတော်များကို ကျက်မှတ်ကြကုန်လော့။ သို့မှအသင့်တို့သည် ရိုးသားသူများ ဖြစ်ကြမည်ဖြစ်သည်။
၀၀၂ : ၆၄. ထို့ ဂတိပြုပြီးသည့်နောက် အသင်တို့သည် ထိုဝန်ခံချက်မှ သွေဖီသွားလေသည်။ အကယ်၍ အလ္လာဟ်အရှင်မြတ်၏ ကျေးဇူးတော်နှင့် မဟာဂရုဏာတော် အသင့်တို့အပေါ်မရှိခဲ့ပါမူ ဧကန်မလွဲ အသင်တို့ သည် ပျက်စီးဆုံးရှုံးသူများဖြစ်ပေလိမ့်မည်။
၀၀၂ : ၆၅။ ၄င်းအပြင် ၄င်းတို့အနက်မှ ဥပုဒ်ဆောက်တည်သည့် နေ့နှင့် စပ်လျှဉ်း၍ ဖေါက်ဖျက်သောသူတို့အား မျောက်သတ္တဝါဖြစ်ကြကုန်လော့ဟု မိန့်သည်ကို အသင်တို့အသိပင်ဖြစ်သည်။
၀၀၂ : ၆၆။ ထို့အပြင် ငါအရှင်မြတ်သည် ထိုအတ္ထုပတ္တိကို ခေတ်လူများအတွက်၄င်း၊ ယခင်လူများအတွက်၄င်း၊ သဝေဂရဘွယ်ရာအဖြစ်၄င်း၊ သူတော်စဉ်တို့အဖို့ ဆုံးမသြဝါဒအဖြစ်၄င်း ထားတော်မူသည်။
၀၀၂ : ၆၇။ တစ်ကြိမ် မူစာ(အ) သည် မိမိအမျိုးသားများကို ဤသို့ပြောကြား၏။ အသင်တို့အား အလ္လာဟ်အရှင် မြတ်သည် နွားမတစ်ကောင်းကို လှီးဖြတ်ရန် မိန့်ကြား၏။ ထိုအခါ သူတို့အား အသင်သည် မိမိတို့ကို ပျက်ရယ်ပြု နေပါသလောဟုဆို၏။ ထိုအခါ နဗီတမန်တော်က ငါသည် ထိုအသိဥါဏ်ကင်းမဲ့သူ (ပျက်ရယ်ပြုသူ) တို့အနက်မှမဟုတ်ရန် အလ္လာဟ်ထံတော်၌ ခိုလှုံပါ၏ ဟု မိန့်လေသည်။
၀၀၂ : ၆၈။ ထိုအခါ သူတိုက မူစာ(အ) အား အသင်၏ ဖန်ဆင်းရှင်ထံမှ ထိုနွားသည် မည်သို့သောနွားဖြစ်သည် ကို မိမိတို့နားလည်ရန် တင်ပြပေးပါဟု မေးမြန်းကြလေသည်။ ထိုအခါ မူစာ(အ) က ထိုအရှင်မြတ်မိန့်သည်က ထိုနွားသည် အသက်ကြီးအိုမင်းခြင်းလည်းမရှိစေရ၊ အလွန်နုပျိုသော နွားမတမ်းလည်းမဖြစ်စေရ၊ ယင်းနှစ်မျိုး အကြား အလတ်တန်းစားဖြစ်ရမည်။ သို့ဖြစ်၍ အသင်တို့သည် အမိန့်တော်ရှိသည့်အတိုင်း လုပ်ကြလော့ဟု ဖြေလေသည်။
၀၀၂ : ၆၉။ တဖန် သူတိုက မူစာ(အ) အား အသင်၏ ဖန်ဆင်းရှင်ထံမှ ထိုနွား၏ အရောင်သည် မည်သို့ ဖြစ် သည်ကို မိမိတို့နားလည်ရန် တင်ပြပေးပါဟု မေးမြန်းကြလေသည်။ ထိုအခါ မူစာ(အ) က အရှင်မြတ်မိန့်သည် မှာ နွားမ၏အရောင်သည် အဝါရင့်ရောင်ဖြစ်ကာ ကြည့်ရှုသူတို့အား စိတ်ကြည်ရွှင်စေရမည်ဖြစ်သည်။
၀၀၂ : ၇၀။ တဖန် သူတိုက မူစာ(အ) အား မိမိတို့၏ အမြင်တွင် နွားများသည် တစ်ကောင်နှင့်တစ်ကောင် ဆင်တူရိုးမှား ဖြစ်နေသဖြင့် ထိုနွားသည် မည်သို့ကြံအင်လက္ခဏာရှိသည်ကို အသင်၏ ဖန်ဆင်းရှင်ထံမှ မိတို့နားလည်ရန် တင်ပြပေးပါဟု မေးမြန်းကြလေသည်။ အကယ်၍ အလ္လာဟ်အရှင်မြတ်သဘောတူတော်မူလျှင် မိမိတို့သည် နည်းလမ်းမှန်ကို ဧကန်တွေ့ရှိအ့ံ။
၀၀၂း ၇၁။ ထိုအခါ နဗီတမန်တော်မူစာ(အလိုင်ဟစ္စလာမ်)က (ဟယ်-အချင်းတို့) အလ္လာဟ် အရျှှင်မြတ်က (ဤကဲ့သို့) မိန့်ကြားတော်မူသည်။] အမှန်စင်စစ် ယင်းနွားမသည်လယ်မြေ၌ ပင်ပန်းစွာ စေစားခြင်း၊ ထွန်ယက်ဘူးခြင်းသော်လည်းကောင်း၊(ထွန်ယက် ပြီးသော) လယ်ယာမြေများထဲသို့ရေသွင်းပေးဘူးခြင်း သော်လည်းကောင်း မရှိစေရ၊ ထို့ပြင်မှဲ့စွန်းခြင်း၊ ကွက်ကျားခြင်း (အစရှိသော ချို့တဲ့ခြင်းအပေါင်းတို့) မှလည်း ကင်းစင်သော နွားမ ဖြစ်ရမည်ဟုဖြေကြားလေသည်။ (ယင်းကဲ့သို့ အဖြေများကို ရရှိသော အခါ) ထိုသူတို့က (အို-နဗီတမန်တော် မူစာ) ယခုမှသာလျှင် အသင်သည်ဤကိစ္စကို (အကျွန်ုပ်တို့အား) မှန်ကန်စွာ ရှင်းလင်းဖော်ပြညွှန်ကြား ပြသလေပြ ီ(ဟု ဝန်ခံကြပြီးနောက် ထိုကဲ့သို့သောနွားမတစ်ကောင်ကို လိုက်လံရှာဖွေ၍ အရှင်မြတ်၏ နာမံတော်ဖြင့်) သတ်ဖြတ်ကြကုန်၏။ သို့သော် စင်စစ် ထိုသူတို့သည်(ထိုအမိန့်တော်ကို) လိုက်နာပြုလုပ်ချင်ဟန် မရှိခဲ့ကြချေ။
၀၀၂ : ၇၂။ ထို့ပြင် (အို-အစ္စရာအီလ်၏ မျိုးနွယ် အပေါင်းတို့၊ အသင်တို့သည် ပြန်လည်၍ အောက်မေ့ သတိရကြကုန်လော့) အခါတပါး၌ အသင်တို့သည် လူတဦးကို သတ်ဖြတ်ကြပြီးနောက် ယင်းလူသတ်မှုနှင့်စပ်လျဉ်း၍ အသင်တို့ အချင်းချင်း တစ်ဦးကိုတစ်ဦး စွပ်စွဲခဲ့ကြကုန်သည်။ သို့ရာတွင်အလ္လာဟ် အရှင်မြတ်သည် သင်တို့ (အနက်မှ ကာယကံရှင်များက) ထိမ်ချန် လျှို့ဝှက်ထားသော ကိစ္စကို ဖွင့်ထုတ်ဖော်ပြရှင်းလင်းတော်မူမည့်အရှင် ဖြစ်တော်မူသည်။
၀၀၂ : ၇၃။ ထို့နောက် ငါအရှင်မြတ်သည် (ဤသို့) မိန့်ကြားတော်မူခဲ့လေသည်၊ အသင်တို့သည် ယင်း (အသတ်ခံရသောသူ၏ ရုပ်ကလာပ်)ကို ထို (နွားမ)၏ အချို့အစိတ်အပိုင်းဖြင့်ရိုက်ခတ်ကြကုန်လော့။ အလ္လာဟ် ်အရှင်မြတ်သည် (ကိယာမတ် ရှင်ပြန်ထရမည့်နေ့၌လည်း) ထိုကဲ့သို့ပင် သေသူများအား ရှင်စေတော်မူလတ္တံ့။ ထို့ပြင် ထိုအရှင်မြတ်သည် အသင်တို့ နားလည်ကြရန်အလို့ငှါ မိမိ၏သက်သေခံလက္ခဏာ ရပ်များ ကို ပြသတော် မူလေသတည်း။
၀၀၂ : ၇၄။ တဖန် အသင်တို့၏ စိတ်နှလုံးများသည် ထို(ကဲ့သို့ အလ္လာဟ် အရှင်မြတ်၏ တန်ခိုးပြဋိဟာ အမျိုးမျိုးတို့ကိုပင်တွေ့မြင်ခဲ့ပြီး) နောက်လည်း ခက်ထန်မာကျောလာခဲ့လေသည်၊သို့ဖြစ်ပေရာ ယင်းစိတ်နှလုံးများသည် ကျောက်ဆောင်များကဲ့သို့ ဖြစ်ခဲ့ရုံမျှမက ယင်းကျောက်ဆောင်များ ထက်ပင် ပိုမိုပြင်းထန် မာကျောလေသည်။ အကြောင်းသော်ကားကျောက်ဆောင်များအနက် စမ်းရေချောင်းများ စီးထွက်လာသောကျောက်ဆောင်များလည်း မချွတ်မလွဲ ရှိကြသေး၏။ ထိုမျှ မကသေးချေ၊ ယင်းကျောက်ဆောင်များအနက် အက်ကွဲ၍ရေ(တံခွန်များ စီးသွန်း) ပန်းထွက် လာသော ကျောက်ဆောင် များလည်း ဧကန်စင်စစ် ရှိကြသေး၏။ ထိုမှတပါးတုံ ယင်းကျောက် ဆောင်များအနက် အလ္လာဟ် အရှင်မြတ်ကို ကြောက်ရွံ့ရိုသေလေးစား ခြင်းအားဖြင့် လျှောလိမ့်နိမ့်ဆင်းလာသောကျောက်ဆောင်များလည်း အမှန်ပင် ရှိကြကုန်သည်။ တဖန်အလ္လာဟ် အရှင်မြတ်သည် အသင် တို့ ပြုကျင့်ကြကုန်သောကိစ္စအဝဝတို့ကို (အလျင်း) မေ့လျော့ လျစ်လျူရှု၍ နေတော်မူသော အရှင်မဟုတ်ပေ။
၀၀၂ : ၇၅။ (အို- ‘မုအ်မင်န်’ ယုံကြည်သူအပေါင်းတို့)အသင်တို့သည် (အစ္စရာအီလီ လူမျိုးတို့၏ စိတ်နှလုံး မာကျောခြင်းကို သိရှိပြီးဖြစ်ကြပါလျက်) ထို သူတို့သည် အသင်တို့(၏ဆုံးမသြဝါဒ ဟောပြောချက်များ)ကို ယုံကြည်၍ သဒ္ဓါတရားထားရှိကြ ကုန်အံ့ ဟု မြှော်ခေါ်တောင်းတ ကြပါသလော။ (စင်စစ် ယင်းကဲ့သို့မြှော်လင့်ခြင်းသည် အချည်းနှီး ပင်)အကြောင်းမူကား ယင်းသူတို့တွင် အလ္လာဟ် အရှင်မြတ်၏မုက္ခပါဌ်တော်များကို ကြားနာကြ ရသောသူများ အမှန်ပင်ရှိကြလေသည်၊ (သိကြား နာ၍ ထိုမုက္ခပါဌ်တော်များကိုသိကျွမ်း နားလည် ပြီးနောက် မိမိတို့ အလိုရှိသည့်အတိုင်း)ပြုပြင် ပြောင်းလွှဲကြကုန်သည်။ စင်စစ် (ထိုကဲ့သို့ ပြောင်းလွှဲခြင်းသည် မပြုသင့် မပြုအပ်ကြောင်း ကိုလည်း) မိမိတို့ကိုယ်တိုင် သိရှိကြလေသတည်း။
၀၀၂ : ၇၆။၄င်းပြင် (မွတ်စ်လင်မ်ယောင်ဆောင်သော) ယဟူဒီများသည် ယုံကြည်ခြင်းသဒ္ဓါတရား ထားရှိကြသော မုအ်မင်န်များနှင့် တွေ့ဆုံကြသော အခါ(ဥပါယ်တမျည်ဖြင့် ယုံကြည်ဟန်ဆောင်၍) ကျွန်ုပ်တို့သည် လည်း (အသင်တို့ကဲ့သို့ပင်) ယုံကြည်ခြင်း သဒ္ဓါတရား ထားရှိကြပါသည်ဟု ပြောဆိုကြကုန်၏။ သို့သော် ယင်းသူတို့အနက်မှ အချို့သည် အခြားသော (ယဟူဒီများနှင့် ဆိတ်ကွယ်ရာ၌) တွေ့ဆုံကြသောအခါ အချင်းတို့ – အသင်တို့သည်အလ္လာဟ် အရှင်မြတ်က (တောင်ရာတ်ကျမ်း၌) သင်တို့ကိုဖွင့်လှစ်ထုတ်ဖော် ပြသတော် မူထားသော အကြောင်းအရာများနှင့်စပ်လျဉ်း၍ ထိုမုအ်မင်န် များကို သတင်းများပေးပို့ကြပါ သလော။ ယင်းသူတို့သည် နောင်ခါကာလ၌ အသင်တို့အား မွေးမြူတော်မူသော (အလ္လာဟ် ) အရှင်မြတ် အထံတော်တွင် ထိုအကြောင်းအရာများကိုပင် အခြေပြုကာ သင်တို့နှင့်ဖက်ပြိုင်ငြင်းခုံကြကုန်အံ့။ သင်တို့သည် ဤမျှလောက်(ထင်ရှားလှစွာသော အကျိုးအကြောင်းများကိုပင်) အသိဉာဏ်မရှိ မသိနားမလည်နိုင် ကြပါသလောဟု (တစ်ဦးကိုတစ်ဦးပြစ်တင်စကား) ပြောကြားကြကုန်သတည်း။
၀၀၂ : ၇၇။ထိုသူတို့သည် (မိမိတို့ စိတ်တွင်းဝယ်) တိတ်တဆိတ် လျှို့ဝှက်ထားကြသော အကြောင်းအရာခပ်သိမ်းတို့ကိုလည်းကောင်း၊ အထင်အရှား ပွင့်လင်းစွာ ထုတ်ဖော်ပြောဆိုကြကုန်သော အကြောင်းအရာခပ်သိမ်းတို့ကို လည်းကောင်း၊ဧကန်စင်စစ် အလ္လာဟ် အရှင်မြတ်သည် (မိမိ၏ ဉာဏ်တော်ဖြင့် အကြွင်းမဲ့) သိရှိတော်မူသည်ကို မသိကြလေသလော။
၀၀၂ : ၇၈။ထိုမှတပါး ၄င်းယဟူဒီ တို့ အတွင်းဝယ် စာပေကျမ်းဂန်မတတ်ကျွမ်းသူများလည်းရှိကြ၏။ ယင်းသူတို့သည် ကောလာဟလဖြစ်သောသတင်းများမှတပါး ကျမ်းးဂန်များ ကိုမသိနားမလည်ကြချေ၊ အမှန်သော်ကား ယင်းသူတို့သည် မိမိတို့ထင်မိထင်ရာ တွေးတောရမ်းဆချက်များမှတပါး (အခြားမည်သည်ကိုမျှ အတိအကျသိရှိကြသည်) မဟုတ်ချေ။
၀၀၂ : ၇၉။သို့ဖြစ်၍ ကျမ်းဂန်များကို မိမိတို့ကိုယ်တိုင်မိမိတို့လက်ဖြင့်စီရင်ရေးသားပြီး အနည်းငယ် မျှသောအဖိုးအခနှင့် လဲလှယ်ရောင်းချ(စားသုံး)ရန် အလို့ငှါ၊ ဤကျမ်းဂန်သည်ကား အလ္လာဟ် အရှင် မြတ်အထံတော်မှ (ထုတ်ပြန်ပို့ချတော်မူသောတရား ဒေသနာတော်ကျမ်းဂန်)တည်း ဟူ၍(လိမ်လည်) ပြောဆိုကြသော ယဟူဒီ သာသနာ့ ရှေ့ဆောင် ရှေ့ရပ်တို့သည် ပျက်စီးကြရကုန်လတ္တံ့။ တဖန် ယင်းသူတို့သည် မိမိတို့ကိုယ်တိုင် မိမိတို့လက်ဖြင့် (မဟုတ်မမှန်) ရေးသား ခဲ့ခြင်းကြောင့်လည်းကောင်း၊ (မပြုထိုက်မပြုအပ်သော နည်းမျိုးဖြင့်ဥစ္စာပစ္စည်း) ရှာဖွေခြင်းကြောင့်လည်းကောင်း ပျက်စီးကြရလတ္တံ့။
၀၀၂ : ၈၀။ထို့ပြင်တဝ ယင်းယဟူဒီ တို့က (ငရဲ) မီးသည် ကျွန်ုပ်တို့ကို ရေတွက်ထားသောနေ့ရက် (အနည်းငယ်) မှအပ (ကာလကြာမြင့်စွာ) အလျင်း ထိရောက်မည်မဟုတ်ဟု ပြောဆိုကြပြန်သည်။ (အို-နဗီတမန်တော်မုဟမ္မဒ် ဆွာလ’လ’ာဟုအလိုင်ဟိဝစလ’မ်) အသင်သည် (ယင်းယဟူဒီတို့ကို ဤသို့ တုံ့ပြန်)မေးမြန်းပါလေ။ (ဟယ်-အချင်းတို့) အသင် တို့သည် (ဤအကြောင်းနှင့်စပ်လျဉ်း၍) အလ္လာဟ် အရှင်မြတ်၏အထံတော်မှ တစုံတခုသော ပဋိညာဉ် ကို ရယူထား ကြပါသလော။သို့ ရယူထားခဲ့ကြ ပါလျှင် အလ္လာဟ် အရှင်မြတ်သည် မိမိပြုထားတော် မူသော ပဋိညာဉ် ဝန်ခံချက်ကို မည်သည့်အခါမျှ ဖျက်တော်မူလိမ့်မည်မဟုတ်။ သို့တည်းမဟုတ် အသင်တို့သည်အလ္လာဟ် အရှင်မြတ်အပေါ်၌ မိမိတို့ မသိနားမလည်သောအကြောင်းတစုံတရာကို လည်ဆယ်ပြောဆိုကြပါသလော။
၀၀၂ : ၈၁။(ယင်း ယဟူဒီ တို့၏စကားသည် လုံးဝမှန်ကန်သည်မဟုတ်) စင်စစ်မှာကား မည်သူမဆို မကောင်းမှုအကုသိုလ်များကို ဆည်းပူးအံ့။ တဖန် (ယင်းသို့ ဆည်းပူးခြင်းအားဖြင့်)ထိုသူ၏ ပြစ်မှုဒုစရိုက်များသည် ထိုသူအားဝန်းခြုံ လျက်ရှိအံ့။သို့ဖြစ်ခဲ့ပါလျှင် ထိုကဲ့သို့သော သူတို့သည် ငရဲသား များသာဖြစ်ကြကုန်၏၊ ထိုသူတို့သည် ထိုငရဲဘုံ၌ပင် ထာဝစဉ် နေထိုင်ကြရလတ္တံ့။
၀၀၂ : ၈၂။သို့သော် အကြင်သူများသည် ယုံကြည်ခြင်းသဒ္ဓါတရားထားရှိ၍ ကောင်းမြတ်သော အကျင့်သီလများကိုကျင့်မူဆောက်တည်ခဲ့ကြ၏၊ ထိုသူတို့သည်ဂျန္နတ်အမတ သုခဘုံသားများ ဖြစ်ကြကုန်၏။ ထိုသူများသည် ယင်း ဂျန္နတ်အမတသုခဘုံ၌ အမြဲ ခံစားကြရမည့်သူများဖြစ်ကြ၏။
၀၀၂ : ၈၃။ထို့ပြင်တဝ အခါတပါး၌ ငါအရှင်မြတ် သည်အစ္စရာအီလီမျိုးနွယ်များထံမှ အသင်တို့သည် အလ္လာဟ် အရှင်မြတ်မှအပ မည်သည့်အရာကိုမျှ ခဝပ်ရိုကျိုး ရှိခိုးပူဇော် ကိုးကွယ်ဆည်းကပ်ခြင်း မပြုကြရမည့် အကြောင်း၊ထို့ပြင် မာတာပိတမိဘနှစ်ပါးကိုလည်းကောင်း၊ သွေးချင်းနီးစပ်သော ဆွေမျိုးရင်းချာ တို့ကိုလည်းကောင်း၊ ဖသက် ဆိုးများလည်းကောင်း၊အထီးကျန် သူဆင်းရဲတို့ ကိုလည်းကောင်း၊ ကောင်းမှုပြုကြရမည့် အကြောင်း၊ ထိုမျှမက လူ အပေါင်းတို့နှင့် (ပြောဆိုဆက်ဆံရာ၌ သာယာချိုအေး ယဉ်ကျေးလှစွာသော စကားများကိုသာ) ကောင်းမွန်စွာ ပြောဆိုကြရမည့်အကြောင်း၊ ဆွာလာတ်ဝတ်ပြုကြရမည့် အကြောင်းနှင့် ဇကာတ်တရားဝင်ဒါနကြေးကို ပေးဆောင်ကြရ မည့်အကြောင်း ကတိဝန်ခံချက်ကို ယူတော်မူခဲ့လေသည်။ ထို(ကဲ့သို့ ခိုင်မာသော ပဋိညာဉ်ဝန်ခံချက်များကို ပြုပြီးသည့်) နောက် အသင်တို့အနက်မှအနည်းငယ်မှအပ ကျန်အားလုံးတို့ သည် (ယင်းပဋိညာဉ်ဝန်ခံချက်ကို ဖေါက်ဖျက်၍) နောက်ဆုတ် လွှဲဖယ် ရှောင်သွား ကြလေသည်။ စင်စစ်တမူကား အသင်တို့ သည် (ဖြောင့်မတ်မှန်ကန်သောလမ်းမှ) သွေဖည်လေ့ရှိသော သူများသာ ဖြစ်ကြကုန်လေသတည်း။
၀၀၂ : ၈၄။၄င်းပြင် (အို-အစ္စရာအီလီ မျိုးနွယ် အပေါင်းတို့၊အသင်တို့သည် ပြန်လည်၍ အောက်မေ့ သတိရကြကုန်လော့)တစ်ပါးသောအခါ၌ ငါအရှင် သည် အသင်တို့ထံမှ အသင်တို့သည် မိမိတို့ အချင်းချင်း (သတ်ဖြတ်ကြ၍) သွေးထွက်သံယိုမပြုကြရန်လည်းကောင်း၊ တစ်ဦးကိုတစ်ဦး မိမိတို့နေထိုင်ရာ အိုးအိမ်မြို့ရွာဒေသများမှလည်း နှင်ထုတ်ခြင်း မပြုကြရန်လည်းကောင်း၊ ပဋိညာဉ်ဝန်ခံချက်ကို ယူခဲ့ဘူးလေသည်။ ထို့နောက် အသင်တို့သည် ထိုပဋိညာဉ် ဝန်ခံချက် ကတိသစ္စာကိုအတည် ပြုကြရုံမျှမက မိမိတို့ကိုယ်တိုင်ပင်လျှင် (ထိုအကြောင်းနှင့်စပ်လျဉ်း၍) အသိသက်သေများ ဖြစ်ကြလေသည်။
၀၀၂ : ၈၅။ထို(ကဲ့သို့ ထင်ရှားစွာ ပဋိညာဉ်ဝန်ခံချက် ပြုကြပြီး)နောက် အသင်တို့ပင်လျှင် မိမိတို့အချင်းချင်း တစ်ဦးကိုတစ်ဦး သတ်ဖြတ်ကြ၍ မိမိတို့အနက်မှ လူတစ်စုကို ထိုသူတို့၏ အိုးအိမ်မြို့ရွာများမှနှင်ထုတ်ကြ၏။ ၄င်းပြင် အသင်တို့သည် ထိုသူတို့ကို ဆန့်ကျင်၍ အကုသိုလ် ဒုစရိုက်မှုများကိုပြုလုပ်ခြင်း အားဖြင့်၄င်း၊ မတရားသဖြင့် အကျိုးကျေးဇူးပျက်စီး နစ်နာစေခြင်းအားဖြင့်လည်းကောင်း အသင်တို့သည် (ထိုသူတို့၏ရန်သူများအား) ယိုင်းပင်းကူညီကြလေသည်။(ထိုကဲ့သို့ ပြုလုပ်ခြင်းအားဖြင့် အသင်တို့သည် ကတိဝန်ခံချက်နှစ်ရပ် လုံးကိုဖေါက်ဖျက်ကြ၏)။ သို့သော် တဖန် ယင်းလူစုသည် အသင်တို့ ထံသို့ သုံ့ပန်းအဖြစ်ဖြင့် (ပြန်လည်) ရောက်ရှိကြသောအခါ အသင်တို့ သည် ယင်းသူတို့အား (လျော်ကြေးပေး၍) ရွေးယူကြပြန်သည်၊ စင်စစ်ဆိုသော် ထိုသူတို့အားထိုကဲ့သို့ (အိုးအိမ်မြို့ရွာ များမှ) နှင်ထုတ်ခြင်းသည် သင်တို့အဖို့ မြစ်တားထားသော ပညတ်ချက် (တစ်ရပ်)ပင် ဖြစ်ပေသည်။ အသင်တို့သည် (တောင်ရာတ်) ကျမ်းတော်မြတ်၏တစိတ်တဒေသကိုသာ ယုံကြည်လက်ခံကြ၍ အချို့အမိန့်တော်များကို ငြင်းပယ်ကြလေသလော။ ထိုသို့ ဖြစ်ခဲ့ပါလျှင် အသင်တို့အနက်မှ ယင်းကဲ့သို့သော အပြုအမူကို ပြုကျင့်ကြကုန်သောသူများ ၏ထိုက်သင့်သောအကျိုးကား ဤလောက၌အသက်ထင်ရှားရှိ နေစဉ် အရှက်ကွဲခြင်း၊ ဂုဏ်အသရေယုတ်ညံ့ခြင်းမှအပ (အခြား)အဘယ်အရာဖြစ်နိုင်ဦး မည်နည်း။ဤမျှမကသေး တဖန်နောင်တရားစီရင် ဆုံးဖြတ်မည့်နေ့တွင်ပိုမို၍ ပြင်းထန် လှစွာသော အပြစ်ဒဏ်ကို ခံစားကြရဦးမည်၊စင်စစ်တမူကား အလ္လာဟ် အရှင်မြတ်သည် အသင်တို့ ပြုကျင့်ကြကုန်သော ကိစ္စ (အရပ်ရပ်တို့)ကို မေ့လျော့ လျစ်လျူရှုတော်မှုမည့်အရှင် မဟုတ်ပေ။
၀၀၂ : ၈၆။ဤသူများသည် ဤပစ္စုပ္ပန်ဘဝ(၏ စည်းစိမ်ချမ်းသာ) ကို နောင်တမလွန်ဘဝဖြင့် လဲလှယ်ဝယ်ယူကြသူများပင် ဖြစ်ကြသည်။ သို့လဲလှယ် ဝယ်ယူကြသည့်အတွက် ယင်းသူတို့ သည် အပြစ်ဒဏ်ခံစားရာ၌ သက်သာစေခြင်း ခံကြရမည်မဟုတ်၊ (မည်သူတစ်စုံတစ်ယောက်၏) ကယ်တင် စောင်မခြင်းကိုမျှလည်း ခံကြရမည်မဟုတ်။
၀၀၂ : ၈၇။ထို့ြ့ပင် (အို-အစ္စရာအီလီမျိုးနွယ် အပေါင်း တို့၊အသင်တို့ တရားရစိမ့်သောငှါ) ငါအရှင်သည် (နဗီတမန်တော်) မူစာအား (တောင်ရာတ်) ကျမ်းတော်ကို မုချ ထုတ်ပြန်ပို့ချပေးသနား တော်မူခဲ့လေသည်။ တဖန် ထို (နဗီတမန်တော်)မူစာ၏ နောက်၌ (မြောက်မြားစွာသော) နဗီ တမန်တော်များကိုတစ်ပါးပြီးတစ်ပါး အဆက်မပြတ် စေလွှတ် တော်မူခဲ့လေသည်။ထို့နောက် မရ်ယမ် (သခင်မ)၏သားတော် နဗီတမန်တော်အီစာအား ထင်ရှားလှစွာသော သက်သေခံလက္ခဏာတန်ခိုးပြာဋိဟာများကို ပေးသနားတော်မူခဲ့၏။ ၄င်း အပြင်ငါအရှင်သည် ထို’အီစာ’ အား ‘ရူဟုးလ်ကုဒုစ်’ (၀ါ)အပါးတော်စေတမန် ဂျိဗ်ရီလ်ကို စေလွှတ်ခြင်းဖြင့် ကူညီအားပေးတော်မူခဲ့လေသည်။ သို့ဖြစ်ပါလျက်နှင့်ပင် မည်သည့် အခါမျိုးမဆို နဗီတမန်တော် တစ်ပါးပါးသည် အသင် တို့မနှစ်သက်သော အမိန့်တော်များကို အသင်တို့ထံသို့ ယူ ဆောင်လာခဲ့သည်ရှိသော် အသင်တို့သည် မောက်မာပလွှား ကြပြီး (ယင်းအမိန့်တော်များကို မလိုက်နာမကျင့်မူလိုသော ကြောင့် ထိုနဗီတမန်တော် များအနက်မှ)တစုကို မဟုတ်မလျား မုသားပြောဆိုကြသူများဟုစွပ်စွဲ၍ တစုကိုမူ (ရက်စက်ကြမ်းကြုတ်စွာ)သတ်ဖြတ်ကြကုန်သည်(မဟုတ်ပါလော)။
၀၀၂ : ၈၈။ တစ်ဖန် ယင်း(ယဟူဒီများက) ပြောဆိုကြပြန်သည်မှာ အကျွနု်ပ်တို့၏စိတ်နှလုံးများသည် လုံးဝ ဖုံးအုပ်လျက်ရှိနေပေသည်။ (သို့ဖြစ်လေရာ အစ္စလာမ်သာသနာသည် ကျွန်ုပ်တို့၏ စိတ်နှလုံး တွင်းသို့ မစူးရှ မဝင်နိုင်ချေ)။ စင်စစ်သော်ကား ထိုသို့အလျင်းမဟုတ်၊ အမှန်မှာ ယင်းသူတို့၏ငြင်းပယ်ဖီဆန်မှုကြောင့် အလ္လာဟ် အရှင်မြတ်သည် ထိုသူတို့အား မိမိကရုဏာတော်မှ ကင်းဝေးစေတော် မူသည်။ သို့ဖြစ်၍ယင်းသူတို့၏ (စိတ်တွင်း၌) ယုံကြည်ခြင်းသဒ္ဓါတရားသည်အနည်းငယ် စိုးစဉ်မျှသာ ရှိလေသည်။
၀၀၂ : ၈၉။ အခါတစ်ပါး၌ အလ္လာဟ် အရှင်မြတ်အထံ တော်မှ ကျမ်းဂန်တစ်စောင် (ကုရ်အာန်)သည် ယင်း(ယဟူဒီ)များထံရောက်ရှိလာခဲ့လေသည်၊ ထို(ကုရ်အာန်)ကျမ်းမြတ်သည်၎င်းတို့ထံရှိနှင့်ပြီး ဖြစ်သော (တောင်ရာတ်)ကျမ်းကိုပင်ထောက်ခံလျက် ရှိပေသည်။ စင်စစ်ဆိုသော် ယင်းသူတို့(ကိုယ်တိုင်) သည်လည်း (ထိုကျမ်းဂန်နှင့် ကျမ်းဂန်ကိုယူဆောင် လာမည့် နဗီတမန်တော်၏ အကြောင်းများကိုထိုကျမ်းဂန် မကျရောက်သေးမီကပင် အရဗ်လူမျိုး) ကာဖိရ်တို့အား ထုတ်ဖော် ပြောဆိုလေ့ရှိခဲ့လေသည်။ ပြီးနောက်တဖန်ထိုသူတို့သည် မိမိတို့ထံ မိမိတို့ သိနှင့်ပြီးဖြစ်သော (ကုရ်အာန်)ကျမ်းမြတ် သည် ရောက်ရှိလာ သောအခါ ယင်း(ကုရ်အာန်) ကျမ်းမြတ်ကိုပင် ငြင်းပယ်ကြကုန်သည်။ သို့ဖြစ်လေရာ (ယင်းကဲ့သို့) သွေဖည်ငြင်းပယ်သော သူတို့အဘို့မှာကား အလ္လာဟ် အရှင်မြတ်၏ ကရုဏာတော်မှ ကင်းဝေးခြင်းသာ ရှိပေတော့သည်။
၀၀၂ : ၉၀။ ထိုသူများသည် မိမိတို့အသက်များဖြင့် လဲလှယ်ဝယ်ယူကြသော အကြင်အရာသည် အလွန် တရာမျှ ဆိုးရွားလှ၏။ ထိုအရာကား အလ္လာဟ် အရှင်မြတ် ထုတ်ပြန် ချမှတ်တော်မူသော တရားဒေသနာတော်ကို ထိုသူများ၏ ငြင်းပယ် ခြင်းပင်ဖြစ်၏။ (ယင်းကဲ့သို့ ငြင်းပယ်ခြင်း အကြောင်းမှာလည်းထိုသူများသည်) အလ္လာဟ် အရှင်မြတ်က မိမိ၏ ကျွန်များအနက် မိမိ နှစ်လိုတော်မူသောသူအား မိမိ၏ ကျေးဇူးပြုတော်မူသည်ကို မနာလိုဝန်တိုမစ္ဆရိယစိတ်ထားကြခြင်းကြောင့်ပင်တည်း။ သို့အတွက်ကြောင့်ပင် ထိုသူများ သည် အမျက်တော်စူးရှခြင်းခံရသည့်အပေါ်၌ ထပ်၍ပင် အမျက်တော် စူးရှခြင်းကိုခံကြရလေပြီ။ ဤမျှမကသေး၊ သွေဖည်ငြင်းပယ်သောသူများ အတွက်ဂုဏ်အသရေ ယုတ်ညံ့သိမ်ဖျင်းစေသောအပြစ်ဒဏ်သည်လည်း အသင့်ရှိပေသတည်း။
၀၀၂ : ၉၁။ အလ္လာဟ် အရှင်မြတ် အထံတော်မှ (နဗီတမန်တော် အသီးသီးတို့ထံ) ထုတ်ပြန် ပို့ချတော်မူသော ဓမ္မဒေသနာကျမ်းဂန်များကို ယုံကြည်၍ လိုက်နာ ကျင့်မူကြပါကုန် ဟုထိုယဟူဒီဘာသာဝင်တို့အား ပြောဆိုကြသည့်အခါ ထို(ယဟူဒီဘာသာဝင်)များက အကျွနု်ပ်တို့သည် မိမိတို့အပေါ်ဝယ် ထုတ်ပြန် ပို့ချပြီးဖြစ်သော (တောင်ရာတ်) ကျမ်းမြတ်ကိုသာ ယုံကြည်(လိုက်နာ ကျင့်မူ) ကြပါ၏ ဟု တုံ့ပြန်ဖြေကြားကြလေသည်။ စင်စစ်တမူကား (ထိုသူတို့ ငြင်းပယ်သော) ထိုကျမ်း မြတ်သည်မှန်ကန်သော ကျမ်းမြတ်ဖြစ်သည့်ပြင် ယင်းသူတို့ထံဝယ်ထုတ်ပြန်ပို့ချပြီး ဖြစ်သော (တောင်ရာတ်ကျမ်း) ကိုလည်းထောက်ခံအတည် ပြုလျက်ရှိ၏။ မည်သို့ပင်ဖြစ်စေ၊ အိုနဗီတမန်တော်)အသင်သည် ယင်းသူတို့ကို ဟယ်-အချင်းတို့၊အကယ်၍သာ အသင်တို့သည် (တောင်ရာတ်ကျမ်း တော်ကို)ယုံကြည်လိုက်နာ ကျင့်မူကြသူများသာ ဖြစ်ခဲ့ကြပါလျှင် ရှေးအထက်ကျော်ကာလက (အသင်တို့အား ထိုတောင်ရာတ်ကျမ်းမြတ်နှင့် လျော်ညီစွာ လိုက်နာကျင့်မူကြရန် သွန်သင်ဆုံးမသြဝါဒပေးကြကုန်သော) အလ္လာဟ် အရှင်မြတ်၏ နဗီတမန်တော်များကို အဘယ့်ကြောင့် သတ်ဖြတ် ကြပါသနည်း ဟုစုံစမ်းမေးမြန်းပါလေ။
၀၀၂ : ၉၂။ ထိုတွင်မျှမကသေးချေ၊ အသင်တို့ထံသို့ နဗီတမန်တော် မူစာ(အလိုင်ဟစ္စလာမ်) သည် ထင်ရှားလှစွာသောသက်သေခံလက္ခဏာ တန်ခိုး ပြာဋိဟာများနှင့်တကွ ကြွလာချေပြီ။ ထို့နောက်သော်မှပင် အသင်တို့သည် ထို(နဗီတမန်တော်) မူစာ (အလိုင်ဟစ္စလာမ်တူရ်တောင်ပေါ်သို့ခေတ္တခဏ<ကမြန်းနေခိုက်၊ ယင်းနဗီတမန်တော်၏) နောက် ကွယ်ရာ၌၊နွားငယ်ကို (မိမိတို့ကိုးကွယ်ရာအရှင် ဟု မှတ်ယူ) ကိုးကွယ်ခဲ့ကြသည်။ စင်စစ်သော်ကား အသင်တို့သည် (မိမိတို့ကိုယ်ကိုမိမိတို့ပင် မြဲ)ညှဉ်းပန်းနှိပ်စက်ကလူ ပြုလေ့ရှိကြသူများသာတည်း။
၀၀၂ : ၉၃။ ထိုမှတပါးတုံ (အို-အစ္စရာအီလီမျိုးနွယ် အပေါင်းတို့၊ အသင်တို့သည် ပြန်လည်အောက်မေ့သတိရကြ ကုန်လော့)အခါတပါး၌ ငါအရှင်သည် အသင်တို့ထက်ဝယ် တ ူရ် မည်သောတောင်ကို ပင့်မြှောက်ကာ အသင်တို့ထံသို့ ငါအရှင်ထုတ်ပြန် ပို့ချပေးသနားတော်မူသော (တောင်ရာတ်ကျမ်းမြတ်ကို) ခိုင်မြဲစွာ လက်ဆုပ်လက်ကိုင်ပြု၍ (ထိုကျမ်းမြတ်လာဒေသနာတော်များကို စိတ်ရောကိုယ်ပါ) နာယူကြရန် အသင်တို့ထံမှ ပဋိညာဉ်ဝန်ခံချက်ကို ယူခဲ့ပြီးဖြစ်သည်။ (ထိုကဲ့သို့ကတိဝန်ခံချက်ကို ယူတော်မူသည့် အခါ) ထိုသူတို့က ကျွန်တော်မျိုးတို့ ကြားကြပါပြီ၊ သို့သော် မနာခံကြပါ ဟုဆိုကြ လေသည်။(ထိုကဲ့သို့ သွေဖည် ငြင်းဆိုခြင်း၏) အကြောင်းမှာ ယင်းသူတို့၏နှလုံးသည်းပွတ်တွင်းသို့ နွားငယ်(၏မေတ္တာ)သည် သက်ဝင်ကိန်းအောင်းလျက် ရှိနေခြင်းကြောင့်တည်း။အို-နဗိတမန်တော် အသင်သည် ထိုသူတို့အား”ဟယ်-အချင်းတို့၊အကယ်၍သာအသင်တို့သည်ယုံကြည်ခြင်းသဒ္ဓါတရား ထားရှိကြသူများဖြစ်ခဲ့ပါလျှင် အသင်တို့၏ယုံကြည်မှုက အသင်တို့အား ညွှန်ကြားပြသ တိုက်တွန်းသည့် အကြောင်းအရာ အမှ ုကိစ္စများသည် အလွန်ပင် ယုတ်ညံ့သိမ်ဖျင်းလှပေစွတကား” ဟုပြောဆိုပါလေ။
၀၀၂ : ၉၄။ (အို-နဗီတမန်တော်) အသင်သည် (ထို ယဟူဒီဘာသာဝင်တို့အား ဤသို့ချေပပြောဆိုပါလေ၊ ဟယ်-အချင်းတို့) အကယ်၍ အလ္လာဟ် အရှင်မြတ် အထံတော်၌ရှိသောနောင်တမလွန်ဘဝ(၏ အမတ သုခချမ်းသာများ)သည် အခြားလူခပ်သိမ်းတို့နှင့် အလျင်းမသက်ဆိုင်ဘဲ အသင်တို့အဖို့သာလျှင် ဖြစ်သည်ဟု (ယုံကြည်ပါမူ) အသင်တို့သည် (ဆောလျင်စွာ) မရဏသေခြင်းကို လိုလားတောင်းတကြ လေကုန်။ (ဟယ်-အချင်းတို့) အသင်တို့သည် ဟုတ်မှန်ရာကို ထုတ်ဖော်ပြောဆိုသူများ ဖြစ်ကြပါလျှင် မရဏသေခြင်းကို စင်စစ်တောင်းတကြရမည်၊ (သို့ရာတွင် အသင်တို့၌ ဤကဲ့သို့ တောင်းတသူဟူ၍ မတွေ့ရပါတကား)။
၀၀၂ : ၉၅။ သို့ရာတွင် ထိုသူတို့သည် မိမိတို့ကိုယ်တိုင် ကျင့်မူ၍ (ငါအသျှင်ထံသို့) တင်ကြို၍ ပို့ထား ခဲ့လေပြီးဖြစ်သော(အကု သိုလ်ဒုစရိုက်များ၏ ပြစ်ဒဏ် များကို စိုးရိမ်ကြောင့် ကြသော) ကြောင့် မည်သည့် အခါမျှမရဏသေခြင်းကိုအလျင်းလိုလား တောင်းတ ကြလိမ့်မည်မဟုတ်။ စင်စစ်သော်ကား အလ္လာဟ် အရှင်မြတ်သည် ကျူးလွန်သူများ(၏ အကြောင်းများ) ကို အကြွင်းမဲ့သိတော်မူသောအရှင် ဖြစ်တော်မူပေသတည်း။
၀၀၂ : ၉၆။ စင်စစ်မှာမူ (ထိုယဟူဒီဘာသာဝင်များသည်သေခြင်းတရားကို အလျင်းမနှစ်သက် မလိုလား မတောင်းတကြရုံမျှမက ဤဘဝ၌ပင် ကာလကြာမြင့် စွာ) သက်ထင်ရှား တည်ရှိနေခြင်းကို အခြား လူခပ်သိမ်းတို့ထက် ပိုမို၍ပင်တပ်မက်မောသော သူများ(ဖြစ်သည်ကို) အသင်(မုဟမ္မဒ်ဆွာလ’လ’ာဟုအလိုင်ဟိဝစလ’မ်)သည် မုချတွေ့ရှိရပေမည်။အခြားအခြားသောသူများကို မဆိုထားဘိဦး၊ ယင်းသူတို့သည်တစ်ဆူတည်းသော အလ္လာဟ် အရှင်မြတ်နှင့် တွဲဘက်ယှဉ် ပြိုင်၍ အခြားအရာများကိုပါ ကိုးကွယ်ကြကုန်သောသူများထက်လည်း(ဤဘဝ၌အသက်ရှည်ခြင်းကို ပိုမိုနှစ်သက် လောဘရမ္မက် ရှိကြကုန်သည်ကို အသင်တွေ့ရှိပေမည်)၊ ယင်း(ယဟူဒီဘာသာဝင်)တို့တွင် လူတိုင်းလူတိုင်းပင် နှစ်ပေါင်းတစ်ထောင်မျှသောအသက်ရှည်ခြင်းကိုကြိုက်နှစ်သက်ကြလေသည်။သို့သော် (ဤမျှလောက် သက်တမ်းရှည်စွာ နေထိုင်ခဲ့ရသည့်တိုင်အောင်) ထိုကဲ့သို့ အသက် ရှည်ခြင်းသည် ယင်းသူတို့ကို ငရဲအပြစ်ဒဏ်များမှ ကယ်ဆယ်နိုင်လိမ့်မည် မဟုတ်ချေ၊အမှန်စင်စစ် အလ္လာဟ်အရှင်မြတ်သည် ထိုသူများ ကျင့်မူကြကုန်သော အပြုအမူများကို အကြွင်းမဲ့ခွဲခြားသိမြင် တော်မူသောအရှင်တည်း။
၀၀၂ : ၉၇။ (အို-နဗီတမန်တော်) အသင်သည် (ယဟူဒီ ဘာသာဝင်တို့အား) ဤသို့ပြောဆိုပါလေ၊ အကြင် မည်သူမဆိုအပါးတော်စေတမန် ဂျိဗ်ရီလ် (အလိုင်ဟစ္စလာမ်) ကို ရန်မူအံ့၊(သို့ရန်မူခြင်းသည် အကြောင်းမဲ့သာလျှင်ဖြစ်အံ့) အဘယ်ကြောင့် ဆိုသော် ယင်းအပါးတော်စေတမန် ဂျိဗ်ရီလ်သည်ထို(ကုရ်အာန်ကျမ်းမြတ်) ကို အလ္လာဟ် အရှင်မြတ်၏ အမိန့်တော်ဖြင့် အသင်၏စိတ်နှလုံးတွင်းသို့ ယူ ဆောင်ပို့ချသူမျှဖြစ်၏။ [ အပါးတော်စေတမန် ဂျိဗ်ရီလ် (အလိုင်ဟစ္စလာမ်)ယူဆောင်ပို့ချခဲ့သော] ထိုကျမ်းမြတ်သည် မိမိအလျင် ထုတ်ပြန်ပို့ချထား သော (ယဟူဒီဘာသာဝင်တို့၏ ကျမ်းဂန်နှင့်တကွ)အတိတ်ခေတ်ကျမ်းများကို ထောက်ခံ၏။ ထို ကျမ်းမြတ်သည်တရားဓမ္မလည်းဖြစ်၏။ မုအ်မင်န် သက်ဝင်ယုံကြည် သူများအဖို့ မင်္ဂလာသတင်းလည်း မည်၏။
၀၀၂ : ၉၈။ မည်သူမဆို အလ္လာဟ် အရှင်မြတ်ကိုသော် လည်းကောင်း၊ ထိုအရှင်မြတ်၏ အပါးတော်စေတမန်များ ကိုသော်လည်းကောင်း၊ ထိုအရှင်မြတ်၏ ရစူလ်တမန်တော်များ ကိုသော်လည်းကောင်း၊ အပါးတော်စေတမန် ဂျိဗ်ရီလ် (အလိုင်ဟစ္စလာမ်) ကိုသော်လည်းကောင်း၊ အပါးတော် စေတမန်မီကာလ် (အလိုင်ဟစ္စလာမ်) ကိုသော်လည်းကောင်း၊ ရန်မူခဲ့ပါမူအလ္လာဟ် အရှင်မြတ်သည်လည်း (ထိုကဲ့သို့ရန် မူသော) ကာဖစ်ရ် သွေဖည် ငြင်းပယ်သောသူတို့၏ ရန်သူဖြစ်တော်မူ၏။
၀၀၂ : ၉၉။ ၎င်းပြင် (အို-နဗီတမန်တော်) ငါအရှင်သည်အသင်၏ထံသို့ ထင်ရှားသော သက်သေခံ လက္ခ ဏာများကိုထုတ်ပြန်ပို့ချတော်မူခဲ့လေပြီ၊ ထို သက်သေခံ က္ခဏာများကိုအမိန့်တော်မနာခံသော သူယုတ်မာများမှအပ မည်သူတစ်စုံတစ်ယောက်မျှ ထွက်ပြူငြင်းပယ်မည် မဟုတ်ချေ။
၀၀၂ : ၁၀၀။ ထိုယဟူဒီဘာသာဝင်တို့သည် အလ္လာဟ် အရှင်မြတ်နှင့် ကတိဝန်ခံချက် တစ်စုံတစ်ခု ထားရှိပြီးတိုင်း ထိုသူတို့အနက်မှ လူတစ်စုသည် (အစဉ်အမြဲ) ထိုဝန်ခံချက်ကိုပယ်ဖျက်လေ့ရှိကြသည်မဟုတ်ပါလော၊ အမှန်သော်ကား၊ ယင်းသူတို့ တွင်မြောက်မြားစွာသော သူတို့သည် (မိမိတို့ထံသို့ ထုတ်ပြန်ပို့ချထားသော ကျမ်းဂန်များကိုပင်) မယုံကြည်ကြချေ။
၀၀၂ : ၁၀၁။ တဖန် (ထိုကဲ့သို့ပင်) ယင်း(ယဟူဒီ ဘာသာဝင်)များထံသို့ အလ္လာဟ် အရှင်မြတ် အထံတော်မှ ထိုသူတို့ထံ၌ရှိနှင့်ပြီးဖြစ်သော (တောင်ရာတ်) ကျမ်းမြတ်ကို ထောက်ခံသောနဗီတမန်တော်(မိုဟမ္မဒ် ဆွာလ္လလ္လာဟုအလိုင်ဟိဝစလ္လမ်) ကြွရောက်လာသည့်အခါ ထိုကျမ်းရလူမျိုးတို့အနက် မှပင် လူတစ်စုသည် မသိကြသကဲ့သို့ အလ္လာဟ် အရှင်မြတ်၏ ကျမ်းမြတ်(တောင်ရာတ်) ကိုပင် မိမိတို့၏ ကျောနောက်သို့ ပစ်ပယ်ထားကြလေသည်။
၀၀၂ : ၁၀၂။ ထိုမျှမက (အသိအလိမ္မာ ကင်းမဲ့ကြကုန်သောယင်းယဟူဒီဘာသာဝင်တို့သည် အလ္လာဟ် အရှင်မြတ် ၏ဓမ္မဒေသနာတော်ကို မလိုက်နာကြဘဲလျက်) နဗီ တမန်တော်စုလိုင်မာန်(အ) စိုးမိုးအုပ်ချုပ်မင်းပြုလုပ် နေသောအခါဝယ် ရှိုင်တွာန်များရွတ်ဘတ်သရဇ္ဈာယ် ကြလေသော စုန်းပယောဂအတတ်ကိုသာ ဆည်းပူး လိုက်စားကြကုန်၏။ [ဤတွင်မျှမကသေး၊ အချို့ သော လူ့ဗာလတို့သည် နဗီတမန်တော် စုလိုင်မာန်(အ)သည် ကာဖိရ်အယူကို လိုက်စားသည် ဟူ၍ပင်စွပ်စွဲခဲံကြသည်)ကိုပင် မိစ္ဆာဒိဋ္ဌိအယူကိုလိုက်စားသည်ဟုစွပ်စွဲကြ သည်။] စင်စစ်တမူကား နဗီတမန်တော် စုလိုင်မာန်(အ)သည် မည်သည့်အခါမျှ ကာဖိရ်အယူကို လိုက် စားခဲ့သည်မဟုတ်ချေ၊ သို့ရာတွင် ထိုရှိုင်တွာန်တို့ သာလျှင် ကာဖိရ်အယူကိုလိုက်စားကြခဲ့၏။ ယင်း ရှိုင်တွာန်တို့သည်ပင်လျှင် စုန်းပယောဂအတတ်ကို လူတို့အား သင်ကြားပြသပေးကြလေသည်။ ထို့ပြင်တဝ (ယင်းယဟူဒီဘာသာဝင်တို့သည်) ဗာဗိလုံမြို့ရှိ အပါးတော်စေတမန် နှစ်ပါးဖြစ်သော ဟာရူတ်နှင့် မာရူတ်တို့ အပေါ်ဝယ် ကျရောက်သည့် စုန်းပယောဂ အတတ်ကိုလည်း လိုက်နာဆည်းပူးကြလေသည်။ ထိုအပါးတော်စေတမန် နှစ်ပါးတို့သည်(မိမိ တို့ထံကျရောက်သော စုန်းပယောဂ အတတ်များကို)မည်သူတစ်ဦးကိုမျှ သင်ကြားပေးလေ့မရှိ။ (သင်ကြားပို့ချပေးပါရန် တောင်းဆို လျှောက်ထားလာသူတို့ကို အိုအချင်းတို့) အကျွနု်ပ်တို့သည် အလ္လာဟ် အရှင်မြတ်၏ အထံတော်မှ (အသင်တို့အဘို့) အစမ်းအသပ်တစ်ရပ်အဖြစ်နှင့်သာလျှင် ဆင်းသက်ရောက်ရှိ လာကြသည်။ အသင်တို့သည်(ဤစုန်းပယောဂ အတတ်ကို ဆည်းပူးလေ့လာပြီး) ကာဖိရ်အယူကို မလိုက်စားကြကုန်လင့် (ဟု သွန်သင်ဆုံးမ၍ မြစ်တားကြလေသည်)။သို့မြစ်တားငြားသော်လည်း ယင်းသူ တို့သည်ထိုအပါးတော်စေတမန်နှစ်ပါးတို့ထံမှ ဇနီးမောင်နှံနှစ်ဦးကိုပြတ်စဲစေသောအတတ်ကို နည်းခံသင်ယူကြကုန်၏။ စင်စစ်ဆိုသော် ထိုသူတို့သည် အလ္လာဟ် အရှင်မြတ်၏အလိုတော်မရှိဘဲလျက်နှင့် မည်သူတစ်ဦးတစ်ယောက်ကိုမျှ ထိုအတတ်ဖြင့်ဘေးအန္တရာယ်မပြုနိုင်ကြချေ၊ အမှန်သော်ကား ယင်းသူတို့သည် မိမိတို့အား အကျိုးကျေးဇူးမဖြစ်ထွန်းစေဘဲ အကျိုးယုတ်နစ်နာစေတတ်သော စုန်းပယောဂအတတ် ကိုသာ နည်းခံသင်ယူကြလေသည်။ စင်စစ်အားဖြင့် (ထိုကဲ့သို့)အလ္လာဟ် အရှင်မြတ်၏ ကျမ်းမြတ်ဒေသနာ တော်ကို ပစ်ပယ်၍ စုန်းပယောဂအတတ်ကို လေ့လာ ဆည်းပူးသူများအဘို့အရာ နောင်တမလွန်ဘဝတွင် ကုသိုလ်အကျိုး ဝေစုဝေပုံ မရရှိနိုင်ကြောင်းကိုလည်းယင်းယဟူဒီဘာသာဝင်တို့သည် အသိပင်ဖြစ်ကြသည်။ ထိုယဟူဒီများသည် မိမိတို့အသက်နှင့်ပင် လဲလှယ်၍ လေ့လာလိုက်စားဆည်းပူးထားသော ထို စုန်းပယောဂ အတတ်များသည် ဆိုးယုတ်သိမ်ဖျင်း လှစွာတကား၊ ထိုသူတို့သည် (မိမိတို့၏ဘဝ ဖြစ်အင်ကို) သိကြပါလျှင် ကောင်းလေစွ။
၀၀၂ : ၁၀၃။ (ယဟူဒီဘာသာဝင်တို့၏ အဖြစ်သည် ဝမ်းနည်းကြေကွဲစရာပင်၊) အကြောင်းမှာအကယ်၍သာ ထိုသူတို့သည်(အလ္လာဟ် အရှင်မြတ်၏ တရား ဒေသနာတော်များကို စိတ်စေတနာဖြူစင်စွာဖြင့်) ယုံကြည်မြတ်နိုး၍ ပြစ်မှုဒုစရိုက်များမှဝေးစွာကြဉ် ရှောင်ပါမူ ယင်းသူတို့သည် (အလွန်ချစ်ကြင်သနားတော်မူသော) အလ’ဟ်အရှင်မြတ်အထံတော်မှ ထူး ကဲမြင့်မြတ်လှစွာသော ဆုလာဘ်ပဏ္ဏာများကို ဧကန် မုချ ရကြကုန်ရာသည်။ ယင်းသူတို့သည် (ဤမျှပင်) သိရှိနားလည်ကြပါမူတော်လေစွတကား။
၀၀၂ : ၁၀၄။ အို-ယုံကြည်ခြင်း သဒ္ဓါတရားထားရှိကြကုန်သော (မုအ်မင်အန်) အပေါင်းတို့၊ အသင်တို့သည် [နဗီတမန်တော် မုဟမ္မဒ်(ဆွ)အထံဝယ် မည်သည့် အကြောင်းအရာကိုမဆို လျှောက်ထားသောအခါ၌] ရာအိနာ ဟူသောပုဒ်ကို မသုံးစွဲကြကုန်လင့်၊ ဥုန်ဇုရ်နာ ဟူသောပုဒ်ကိုသာ သုံးစွဲကြကုန်။ ၎င်းပြင် အသင်တို့သည် [နဗီတမန်တော်မုဟမ္မဒ်(ဆွ) ၏ ဒေသနာတော်များကို မြေဝယ်မကျ] နာခံကြကုန်။ အကြောင်းသော်ကား (ထိုတရားဒေသနာတော်များကို) သွေဖည်ငြင်းဆန် မနာခံကြကုန်သော မိစ္ဆာဒိဋ္ဌိတို့အဘို့မှာ ပြင်းပြနာကျင်ဘွယ်ဖြစ်သော အပြစ်ဒဏ် များသည်အသင့်ရှိနှင့်ချေပြီ။
၀၀၂ : ၁၀၅။ အထက်ကျော်ကာလများက ကျမ်းရခဲ့ပြီးဖြစ်သောလူတို့ အနက်မှသော်လည်းကောင်း၊ တစ်ဆူတည်းသောအလ္လာဟ် အရှင်မြတ်နှင့် တွဲဘက်ယှဉ်တွဲ၍ အခြားအရာများကိုပါ ကိုးကွယ်ကြသောသူများအနက်မှသော်လည်းကောင်း၊(အလ္လာဟ် အရှင်မြတ်ကို) မယုံမကြည် သွေဖည်ငြင်းဆန်သောသူတို့သည် အသင်တို့အား ပြုစုပျိုးထောင် မွေးမြူ တော်မူသောအလ္လာဟ် အရှင်မြတ်၏ အထံတော်မှ အသင်တို့အထံဝယ် မည်သည့်ကောင်းကျိုးချမ်းသာ (ကြီးပွားရာကြီးပွားကြောင်း နှင့်အမိန့်ဗျာဒိတ်တော်များ)ပို့ချပေးသနားတော်မူခြင်းကို(လုံးဝ) မနှစ်သက်ကြချေ။ သို့ရာတွင် (ယင်းသူတို့၏ မနာလိုဝန်တို ဣဿာမစ္ဆရိ ယစိတ်စေတနာ ထားခြင်းသည် အချည်းနှီးပင်တည်း)။အဘယ်ကြောင့်ဟူမူ အလ္လာဟ် အရှင်မြတ်သည် မိမိနှစ်လိုတော်မူသောသူများကို (သာလျှင်) မိမိကရုဏာ တော်မြတ် (သက်ရောက်စေတော်မူရန်) သီးသန့် ခြားနားရွေးကောက်တော်မူလေသည်။ အမှန်သော်ကား အလ္လာဟ် အရှင်မြတ်သည် မြင့်မြတ်သောကျေးဇူးတော်အပေါင်းနှင့် ပြည့်စုံတော်မူသောအရှင်တည်း။
၀၀၂ : ၁၀၆။ အကယ်၍ ငါအရှင်သည် အကြင်အာယတ်တော်(၏ အမိန့်တော်)ကို ရပ်စဲတော်မူအ့ံ၊ သို့တည်း မဟုတ်ထိုအာယတ်တော်ကိုပင် မေ့ပျောက်စေတော် မူအ့ံ၊ ငါအရှင်သည်ထိုအာယတ်တော်ထက် ပိုမို သင့်မြတ်သောအာယတ်တော်ကိုသော်လည်းကောင်း၊ ထိုအာယတ်တော်နှင့် အလားတူအာယတ်တော်ကို သော်လည်းကောင်း၊ ထုတ်ပြန်ပို့ချတော်မူသည်။ ဧကန်အမှန် အလ္လာဟ် အရှင်မြတ်သည် ချင့်ချိန် မှန်းဆ၍ စွမ်းဆောင်နိုင်တော်မူသော အနန္တတန်ခိုး တော်ရှင်ဖြစ်သည်ကို အသင်သည်မသိပါသလော။
၀၀၂ : ၁၀၇။ (ထိုမှတပါးတုံ၊ အို-နဗီတမန်တော်) ကောင်းကင်ဘုံများနှင့်ပထဝီမြေကို (ငါ)အလ္လာဟ် အရှင် မြတ်သာလျှင်စိုးပိုင်တော်မူကြောင်း အသင်မသိလေသလော၊ ထို့ပြင်တဝ(အို-လူသားတို့) အသင်တို့ အဘို့အရာအလ္လာဟ် အရှင်မြတ်မှတစ်ပါးအခြားမည်သူ တစ်ဦးတစ်ယောက်မျှ ကြည့်ရှုစောင့်ရှောက် မည့်သူ ဟူ၍လည်းကောင်း၊ ကူညီ မစမည့်သူဟူ၍လည်းကောင်း၊ မရှိချေ။
၀၀၂ : ၁၀၈။ (အို-အစ္စရာအီလ်၏ မျိုးနွယ်ဝံသအပေါင်းတို့)ရှေးအထက်ကျော်ကာလ၌ (အသင်တို့၏ ဘိုးဘေးများက)နဗီတမန်တော်မူစာ(အလိုင်ဟစ္စလာမ်)အား (မလျော်ကန်သောအချက်များကို) တောင်းဆို မေးမြန်းကြသကဲ့သို့ အသင်တို့ကလည်း မိမိတို့ခေတ်၌ပွင့်တော်မူသော နဗီတမန်တော်(မုဟမ္မဒ် ဆွာလ’လ’ာဟု အလိုင်ဟိဝစလ’မ်)အား ထိုကဲ့သို့ပင်တောင်းဆို မေးမြန်းရန် အလိုဆန္ဒရှိကြပါသလော။ မည်သူမဆိုယုံကြည်ခြင်းသဒ္ဓါတရားကို စွန့်ပယ်၍ မိစ္ဆာအယူကို လဲလှယ်(လက်ခံနာ)ယူပါမူ၊ ထိုသူသည် မချွတ်ဧကန် ဖြောင့်မတ်မှန်ကန်သောလမ်းမှ တိမ်းပါး လွဲချော်သွားချေပြီ။
၀၀၂ : ၁၀၉။ စင်စစ်မှာမူကား ကျမ်းဂန်ရရှိကြကုန်သော(ယဟူဒီဘာသာဝင်များ)အနက်မှမြောက်မြားစွာသော သူတို့သည်၊ ထင်ရှားခဲ့ပြီးအမှန်သည် ယင်းသူတို့အဘို့ နောက်သော်မှပင် မိမိတို့စိတ်တွင်း၌ ထားရှိကြ ကုန်သော မနာလိုဝန်တိုငြူစူခြင်းသဘောများကြောင့် အသင်တို့အား ‘မုစ်လင်မ်’ဘဝမှတဖန် ကာဖိရ်ဘဝသို့ ပြန်လည်ပို့ဆောင်လိုကြသည်။ သို့ဖြစ်ငြားသော် လည်း၊ အလ္လာဟ် အရှင်မြတ်အထံတော်မှ အမိန့်တော်ကျရောက်လာသည့်တိုင်အောင် အသင်တို့သည်၊ ခန္တီ တရားကိုအမြဲထား၍ ယင်းသူတို့အားလျစ်လျူရှုကာ ခွင့်လွှတ်နေကြကုန်။ဧကန်မုချ အလ္လာဟ် အရှင်မြတ် သည် အရာခပ်သိမ်းတို့အပေါ်ဝယ် စွမ်းဆောင် နိုင်တော်မူသော အနန္တတန်ခိုးတော်ရှင်တည်း။
၀၀၂ : ၁၁၀။ ထိုမှတပါး အသင်တို့သည် ဆွလာတ် ဝတ်ပြုခြင်းကို အမြဲတစေ ဆောက်တည်ကြလေကုန်၊ ၎င်းပြင်အသင်တို့သည် ဇကာတ် တရားဝင်ဒါန ကြေးများကို ပေးဆောင်ကြလေကုန်။ ထို့ပြင်တဝ အသင်တို့သည် မည်သည်ကောင်းမှုကုသိုလ်ကိုမဆို မိမိတို့အဘို့အရာ ရှေ့သို့ တင်ကြိုပို့ထားနှင့်ကြပါမူ အလ္လာဟ်အရှင်မြတ်အထံတော်မှ ယင်းကောင်းမှု(၏ ကုသိုလ်အကျိုး)ကို အသင်တို့ရရှိကြအံ့၊ မုချအမှန်အလ္လာဟ် အရှင်မြတ်သည် အသင်တို့ပြုမူကြ ကုန်သောအရာခပ်သိမ်းတို့ကို အကြွင်းမရှိ သိမြင် တော်မူသောအရှင်ဖြစ်တော်မူ၏။
၀၀၂ : ၁၁၁။ ထို့ပြင်တဝ ယင်းသူတို့က ပြောဆိုကြသည်မှာ၊ဂျန္နတ် အမတသုခဘုံတွင်းသို့ ယဟူဒီဘာသာဝင် သို့မဟုတ်ခရစ် ယာန်ဘာသာဝင်တို့မှအပ (အခြား) မည်သူတစ်ဦးတစ်ယောက်မျှ မည်သည့်အခါမျှ ဝင်ရောက်နိုင်မည်မဟုတ်ချေ။ထိုပြောဆိုချက်များသည်ကား ယင်းသူတို့၏ (စိတ်ကူးအလျောက် အချည်းနှီးသော) တပ်မက်မောခြင်း မျှသာဖြစ်သည်။ အို-နဗီ တမန်တော်မုဟမ္မဒ်(ဆွ) အသင်သည် ယင်းသူတို့အား ဟယ်-အချင်းတို့၊ အကယ်စင်စစ် အသင်တို့သည်၊(ဤအကြောင်းများနှင့် စပ်လျဉ်း၍) ဟုတ်မှန်ရာကို ပြောဆိုကြသူများသာဖြစ်ကြလျှင် မိမိတို့၏ အခိုင်လုံ ဆုံးသော သက်သေခံသာဓက အထောက်အထားများ ဆောင်ယူ(တင်ပြ) ကြကုန်လော့ဟု ပြောဆိုပါလေ။
၀၀၂ : ၁၁၂။ ထို(ယဟူဒီဘာသာဝင်များနှင့် ခရစ်ယာန်တို့ပြောဆို ကြသောစကားသည်၊ အဘယ်မှာလျှင် ဟုတ်မှန်ပါအံ့နည်း) စင်စစ်သော်ကား မည်သူမဆို မိမိကိုယ်ကို အလ္လာဟ် အရှင်မြတ်အား လုံးဝ အပ်နှင်းပြီး (ခယရိုကျိုးရှိခိုး၍) ကောင်းမှုကုသိုလ် များကို ပွားများခဲ့ပါလျှင် ထိုကဲ့သို့သော သူတို့သည်မိမိတို့၏ အသျှင့်အထံတော်၌ ကျိုးကျေးဇူးများ ကို မုချရရှိ၍စိုးရိမ်ကြောင့်ကြ ပူဆွေးကြရမည်လည်း မဟုတ်ချေ။
၀၀၂ : ၁၁၃။ ယဟူဒီတို့က ခရစ်ယာန်တို့သည် မည်သည့်အခြေခံတရားပေါ်၌မျှတည်ရှိနေကြသည်မဟုတ် ဟူ၍လည်းကောင်း၊ ထိုနည်းတူစွာ ခရစ်ယာန်တို့ကလည်း ယဟူဒီဘာသာဝင် တို့သည် မည်သည့် အခြေခံတရား ပေါ်၌မျှ တည်ရှိနေကြသည် မဟုတ်ဟူ၍လည်ကောင်း၊ (တစ်စုကိုတစ်စုပုတ်ခတ်)ပြောဆိုကြကုန်၏။ စင်စစ် တမူကား ယင်းသူတို့နှစ်စု စလုံးသည် (အလ္လာဟ် အရှင်မြတ်အထံတော်မှ ထုတ်ပြန်ပို့ချသော တဆူ တည်းသော) ကျမ်းဂန်ကိုပင် ရွတ်ဖတ်သရဇ္ဈာယ် လျက် ရှိကြကုန်၏။ ဤကဲ့သို့ ယဟူဒီဘာသာဝင်များနှင့် ခရစ်ယာန်ဘာသာဝင်များ ပြောဆိုကြသကဲ့သို့ပင် သာသနာရေး၌ တတ်သိလိမ္မာခြင်းမရှိသော ပညာမဲ့သူတို့ ကလည်း(အစ္စလာမ်သာသနာသည် အခြေအမြစ်မရှိသော သာသနာဖြစ်သည်ဟူ၍) ပြောဆိုကြလေ သည်။ သို့ဖြစ်ရာ အလ္လာဟ် အရှင်မြတ်သည် ရှင်ပြန်ထမည့်နေ့၌ ယင်းသူတို့ ငြင်းခုံလျက်ရှိသော ပြဿနာရပ်အကြောင်းခြင်းရာ များကို (မျက်ဝါးထင်ထင်ပေါ်လွင်ထင်ရှားစွာ) စီရင် ဆုံးဖြတ် အမိန့်ချမှတ်တော်မူအံ့။
၀၀၂ : ၁၁၄။ ထို့ပြင်တဝ အလ္လာဟ် အရှင်မြတ်၏ ဗလီကျောင်းတော်များ၌ ထိုအရှင်မြတ်၏နာမံတော်ကို ထုတ်ဖော်တသ စီးဖြန်းသရဇ္ဈာယ်ခြင်း၊ ဂုဏ်တော် ချီးမွမ်းခြင်းကိုတားဆီးပိတ်ပင် ကန့်ကွက်ကြရုံမျှမက ထိုဗလီကျောင်းတော်များ၏ ပျက်စီးရာပျက်စီးကြောင်းကိုလည်း ကြိုးပမ်းအားထုတ် ကြကုန်သောသူတို့ထက် သာလွန်ဆိုးယုတ်သောသူသည် အဘယ်မှာလျှင် ရှိနိုင်ပါဦးအ့ံနည်း၊ (ဗလီကျောင်းတော်များကို ဖျက်ဆီးဘို့ရာဝေးစွ၊) ထိုသူတို့ ကိုယ်တိုင်ပင်လျှင်အလ္လာဟ် အရှင်မြတ်အား ကြောက်ရွ့ံ ရိုသေသောစိတ်ဖြင့်ထိုဗလီကျောင်းတော် များတွင်းသို့ ဝင်ရောက်ရာ၏။ ထိုကဲ့သို့ဖျက်ဆီးရန် ကြိုးပမ်းခဲ့ကြသော သူတို့၏အဖို့ရာကား ဤဘဝ၌ပင် ဂုဏ်အသရေဆုတ် ယုတ် ခြင်းဖြစ်သည့်ပြင် နောင်တမလွန်ဘဝ၌လည်း ထိုသူတို့အဘို့ ကြီးလေးသော အပြစ်ဒဏ်(အဆင်သင့်စီမံပြီး) ရှိလေသတည်း။
၀၀၂ : ၁၁၅။ စင်စစ်ဆိုသော် အရှေ့နှင့်အနောက် (အစရှိသော အရပ် ၈ မျက်နှာမျှမက ရှိရှိသမျှသော စကြာဝဠာများကိုပင်) အလ္လာဟ် အရှင်မြတ်က (ဖန်ဆင်းတော်မူလေသည်ဖြစ်ရာ) ထိုအရှင်သည် သာလျှင် စိုးပိုင်တော်မူသောအရှင်တည်း။သို့ဖြစ်လေရာ အသင်တို့သည် (ထိုအရှင်မြတ်ကိုခဝပ်ကိုးကွယ်ရာ၌) မည်သည့်ဘက်သို့မဆို မျက်နှာ ပြုကြပါမူထို(မျက်နှာပြုရာ)ဘက်၌ပင် အလ္လာဟ် အရှင်မြတ်၏ မျက်နှာတော်သည် (အသင်တို့ရှေ့တွင်) ရှိနေတော်မူသည်(ဟု မှတ်ပါလေ၊) (အကြောင်းဟူမူ) ဧကန်မုချ အလ္လာဟ် အရှင်မြတ် သည်(အနန္တတန်ခိုးတော်ရှင် ဖြစ်တော်မူသည့်အတိုင်း) ခပ်သိမ်းကုန်(သော အရပ်ဒိသာ)တို့ကို လွှမ်းခြုံ တော်မူသောအသျှင်၊ အလုံးစုံကို အကြွင်းမဲ့ သိတော် မူသောအရှင် ဖြစ်တော်မူသောကြောင့်တည်း။
၀၀၂ : ၁၁၆။ ထို(ခရစ်ယာန်)တို့သည် အလ္လာဟ် အရှင်မြတ်၌သားတော်ရှိသည်ဟူ၍ (မဟုတ်မလျား စွပ်စွဲ) ပြောဆိုကြကုန်၏။ (ဤစကားသည် မှားလေစွ၊ အကြောင်းမှာ) အလ္လာဟ် အရှင်မြတ်သည် (ဃရာ ၀ါသ အိမ်ထောင်မှုကိစ္စတို့မှ) လုံးလုံးကင်းစင် တော်မူသော အရှင်တည်း။ စင်စစ်တမူကား မိုးကောင်းကင်နှင့် ပထဝီမြေပြင်၌ ရှိရှိသမျှသော အရာခပ်သိမ်းတို့ကို အလ္လာဟ် အရှင်မြတ်သာလျှင် ပိုင်ဆိုင်တော်မူ၏။ ထိုထိုသော အရာခပ်သိမ်းတို့ သည်လည်း ထိုအရှင်မြတ်၏ အမိန့်တော်ကို နာခံလျက် ရှိကြကုန်၏။
၀၀၂ : ၁၁၇။ (ထိုအလ္လာဟ် အရှင်မြတ်သည်) မိုဃ်းကောင်းကင်များနှင့်တကွ ပထဝီမြေပြင်ကို စတင်ပြုပြင် ဖန်ဆင်းတော်မူသော အရှင်ဖြစ်တော်မူသည်၊ (ထိုမျှမကသေး) မည်သည့်အခါမဆို ထိုအရှင်မြတ် သည် တစ်စုံတစ်ခုသော အမှုကိစ္စကိုဆုံးဖြတ်စီရင် ပြဋ္ဌာန်းတော်မူလိုပါလျှင် (နတ္ထိတ မရှိရာဘဝမှအတ္ထိတ ရှိရာဘဝသို့) ဖြစ်စေ(ဟူသောအမိန့်တော်) ပေးရုံမျှဖြင့်ထိုအမှုကိစ္စအဝဝတို့သည် (ပြကတေ့ အလိုရှိတော်သူသည့်အတိုင်း တခဏချင်းတွင်ပင်) ဖြစ်ပေါ်လာလေသတည်း။
၀၀၂ : ၁၁၈။ အကယ်၍သာ အလ္လာဟ် အရှင်မြတ်သည် ကျွနု်ပ်တို့ကို တရားတော်အတိုင်း လိုက်နာကျင့်စေ လိုပါလျှင်) အဘယ်ကြောင့် ထိုအသျှင်မြတ်သည် ကျွနု်ပ်တို့နှင့် တိုက်ရိုက်စကားမပြောကြားပါသနည်း၊ သို့တည်းမဟုတ် ကျွနု်ပ်တို့ထံသို့ (ထင်ရှားပေါ်လွင်သော) သက်သေလက္ခဏာ တစ်စုံတစ်ခုကို မပို့ချပါသနည်းဟု အသိတရားကင်းမဲ့သောသူများက ပြောဆိုကြကုန်၏။ ထိုနည်းတူစွာ ယင်းသူတို့၏အထက် အဆက်ဆက်က ဖြစ်ခဲ့ဘူးသော ရှေးသူမိုက်တို့ကလည်း ဤသူများပြောဆိုကြသကဲ့သို့ပင် ပြောဆိုခဲ့ကြလေပြီ၊ ယင်းသူတို့အားလုံး၏စိတ်နှလုံးများသည် (အသိအလိမ္မာကင်းမဲ့ရာ၌လည်းကောင်း၊မောက်မာပလွှားရာ ၌လည်းကောင်း) ထပ်တူထပ်မျှပင်ဖြစ်ချေသည်။ ဧကန်ဆတ် ဆတ် ငါအရှင်မြတ်သည် ယုံကြည်လိုကြကုန် သော သူတို့အဘို့အရာ (အသင်၏ တမန်တော်ဖြစ်ကြောင်း နှင့်စပ်လျဉ်း၍) မြောက်မြားစွာသော ထောက်ခံချက်သက်သေ လက္ခဏရပ် တို့ကို ရှင်းလင်းထင်ရှားစွာ ဖော်ပြထား တော်မူပြီးဖြစ်လေသည်။
၀၀၂ : ၁၁၉။ (အလ္လာဟ် အရှင်မြတ်အဘို့မှာ ထိုအသိတရားကင်းမဲ့သူများနှင့် တိုက်ရိုက်စကား ပြောရန်လည်းမလို၊ ယင်းသူတို့ထံ အထူးတလည် သက်သေလက္ခဏာများ ပို့ချရန်လည်းအကြောင်းမရှိ၊ အဘယ်ကြောင့်နည်းဟူမူ) ဧကန်အမှန်ငါအရှင်မြတ်သည် အသင် (မုဟမ္မဒ်)အား (ခပ်သိမ်းကုန်သော သတ္တဝါတို့ကို ရားရေအေးအမြိုက်ဆေးတိုက်ကျွေးရန်)မန်ကန်သောတရားတော် နှင့်(ယုံကြည်လိုက်နာသူတို့ကို အကျိုးဆုလာဘ်များ ရရှိမည့် အကြောင်း) ဝမ်းမြောက်ဘွယ်ရာသောမင်္ဂလာသတင်း ပြောကြားသူ အဖြစ်လည်းကောင်း၊ (မယုံမကြည် သွေဖည်ငြင်းဆန်သူတို့အား ပြစ်ဒဏ်များခံ စားရမည့်အကြောင်းကို) သတိပေး နှိုးဆော်သူအဖြစ်လည်းကောင်း၊စေလွှတ်တော်မူလေသတည်း။ သို့သော် (မိမိတို့ ကံကြမ္မာအားဖြင့် ငရဲလား ကြကုန်သော) ငရဲသားများ နှင့်ပတ်သက်၍အသင်သည် (မည်သို့မျှပင် အပြစ် တင်) စောကြောစစ်ဆေးမေးမြန်ခြင်းကိုခံရမည်မဟုတ်ပေ။
၀၀၂ : ၁၂၀။ အမှန်သော်ကား (အို-ချစ်တမန်တော် အသင်သည် နဗီတမန်တော်ဖြစ်ကြောင်းနှင့် စပ်လျဉ်း၍ မည်မျှလောက်ပင် ထောက်ခံချက် သက်သေလက္ခဏာ တော်များကိုဟောပြငြားပါလည်း အချည်းနှီးအကျိုး မဲ့သာဖြစ်အ့ံ) ယဟူဒီနှင့်ခရစ်ယာန်တို့သည် ၎င်းတို့၏ ဘာသာအယူဝါဒကို အသင်မလိုက်နာသမျှ ကာလ ပတ်လုံး အသင့်အား မည်သည့်အခါမျှနှစ်သိမ့်ကျေနပ်ကြမည်မဟုတ်ပေ၊ (သို့ဖြစ်လေရာ အသင်သည် ယင်းသူတို့အား) အလ္လာဟ် အရှင်မြတ် ညွှန်ကြားပြသတော်မူသော တရားလမ်းသည်သာလျှင် မုချဧကန် ဖြောင့်မတ်မှန်ကန်သော တရားလမ်းပင်တည်းဟု(ပွင့်လင်းစွာတုံ့ပြန်)ပြောဆိုပါလေ။ ထိုမှတစ်ပါးတုံ (အလ္လာဟ် အရှင်မြတ်အထံ တော်မှ)အသင်၏ထံသို့ (ယုံကြည်စိတ်ချဘွယ်ရာသော) အသိတရားရောက်ရှိလာ ပြီးသည့် နောက် အကယ်၍သာ အသင်သည် ယင်းသူတို့၏ ယုတ်ညံ့သိမ်ဖျင်းသောအလိုဆန္ဒ များကို လိုက်နာခဲ့အံ့၊(ထိုသို့ သောအခါဝယ်)မည်သူ တစ်ဦးတစ်ယောက်မျှ အလ္လာဟ် အရှင်မြတ်(ပေးတော်မူမည့် အပြစ်ဒဏ်များ)မှ အသင့်အားစောင့်ရှောက်သူ မိတ်သဟာဟူ၍ လည်းကောင်း၊ ကူညီအားပေး စောင်မမည့်သူဟူ၍ လည်း ကောင်း၊ မရှိတော့ပြီ။
၀၀၂ : ၁၂၁။ အကြင်သူတို့အား ငါအရှင်မြတ်သည် ဒေသနာတော်ကျမ်းမြတ်ကို ပေးသနားတော်မူခဲ့၏။ အကယ်၍ထိုသူတို့သည် ယင်းဒေသနာတော် ကျမ်း မြတ်ကို ထိုက်သင့်သောနည်းဖြင့် စိတ်ရင်းစေတနာ ဖြူစင်စွာဖြင့် ရွတ်ဘတ်ကြ၍လိုက်နာကျင့်ကြံကြ ပါမူ ထိုသူတို့သည်သာလျှင်သဒ္ဓမ္မတရားတည်းဟူသော ကျမ်းတော်မြတ်ကို အမှန်ယုံကြည်သူများ ဖြစ် ကြအံ့၊ အကြင်မည်သူမဆိုယင်းကျမ်းတော်မြတ်ကို ငြင်းပယ်ကြ ပါမူ ထိုသူတို့သည်သာလျှင် ပျက်စီး ဆုံးရှုံးခြင်းသို့ ကျရောက် သောသူများပင်ဖြစ်လတ္တံ့။
၀၀၂ : ၁၂၂။ အို-အစ္စရာအီလ်၏ မျိုးနွယ်ဝံသအပေါင်းတို့၊အသင်တို့အား ငါအရှင်မြတ်ပေးသနားတော်မူသော သူခချမ်းသာဂုဏ်ကျေးဇူးတော်များကို (အမြဲတစေ) အောက်မေ့ သတိရကြကုန်လော့။ ထိုနည်းတူစွာ ငါအရှင်မြတ်သည် အသင်တို့အား(အထူးထူးသော) ဂုဏ်ထူးဝိသေသများဖြင့် စကြာဝဋ္ဌာအပေါင်းတို့ ထက်ထူးကဲစွာချီးမြှင့်တော်မူခဲ့လေသည်ကိုလည်းပြန်လည်သတိရကြလေကုန်။
၀၀၂ : ၁၂၃။ ထိုမှတစ်ပါးတုံ (အို-အစ္စရာအီလ်၏ မျိုးနွယ်အပေါင်းတို့) အသင်တို့သည် (သေပြီးသည့်နောက် ပြန်လည်ရှင်ပြန်ထကြရမည့်)နေ့ကို အထူးတလည် ကြောက်ရွ့ံကြကုန်၊အကြောင်းမူကား ထိုနေ့တွင် မည်သူတစ်ဦး တစ်ယောက်မျှအခြားတစ်ဦး တစ်ယောက်အဘို့ စိုးစဉ်းမျှကိုပင် စွမ်းဆောင်နိုင်မည်မဟုတ်၊ မည်သူတစ်ဦးတစ်ယောက်ထံမှလည်း အစားလဲလှယ်ပေးခြင်းကို (အလ္လာဟ် အရှင်မြတ်သည်) သဘောတူလက်ခံမည်မဟုတ်၊ မည်သူတစ်စုံတစ်ယောက်၏ အသနားခံတောင်းပန် ပေးခြင်းသည်လည်း အခြား တစ်စုံတစ်ယောက်သောသူအဖို့ အကျိုးဖြစ်ထွန်းစေမည်လည်းမဟုတ်၊ ထို့ပြင်တဝ ယင်းသူတို့သည် မည်သည့်ကူညီ ယိုင်းပင်းမှုကိုမျှလည်း ခံစားကြရမည်မဟုတ်ပေ။
၀၀၂ : ၁၂၄။ တဖန် (အို-အစ္စရာအီလ်၏ မျိုးနွယ် အပေါင်းတို့၊ပြန်လည်အောက်မေ့သတိရကြကုန်လော့) အခါတပါး၌ နဗီတမန်တော် အစ်ဗ်ရာဟီမ်(အ)ကို ထိုနဗီတမန်တော်အားမွေးမြူ တော်မူသောအရှင်မြတ်သည် အချို့သောကိစ္စရပ်များနှင့်စပ်လျဉ်း၍ စမ်းသပ် တော်မူလေရာ၊ ထိုနဗီတမန်တော်သည် ယင်းကိစ္စ အရပ်ရပ်တို့ကို ပြည့်စုံပြီးမြောက်အောင်ဆောင်ရွက်ခဲ့ လေသည်။ (ထိုအခါ) အလ္လာဟ် အရှင်မြတ်က(အို-တမန်တော် အစ်ဗ်ရာဟီမ်) မုချဧကန် ငါအရှင်မြတ်သည်အသင့်အား လူခပ်သိမ်းတို့၏ ရှေ့ဆောင်ဦးစီး နာယကအဖြစ်ခန့်အပ် ချှီးမြှင့်တော်မူအ့ံဟု မိန့်ကြားတော်မူရာ နဗီတမန်တော်အစ်ဗ်ရာဟီမ်(အ)က (အို-မဟာကရုဏာတော်နှင့် ပြည့်စုံတော်မူသော အနန္တ ကျေးဇူးတော်ရှင်) ကျွန်တော်မျိုး၏သားမြေးတို့ အနက်မှလည်း (ထိုနည်းတူစွာ ရှေ့ဆောင်ဦးစီးနာယက အဖြစ် ခန့်အပ်တော်မူပါမည်လော) ဟု လျှောက်ထားပန်ကြားပြန်လေသည်။ (ထိုအခါ) အလ္လာဟ် အရှင်မြတ်ကငါအရှင်မြတ်၏ပဋိညာဉ်တော်သည် ပြစ်မှုကျူးလွန်သောမတရားသောသူတို့နှင့် မသက်ဆိုင်ဟု မြွက်ဟမိန့်ကြားတော်မူလေသတည်း။
၀၀၂ : ၁၂၅။ ၎င်းပြင် အသင်တို့သည် ပြန်လည်အောက်မေ့သတိရကြကုန်လော့၊ အခါတပါး၌ ငါအရှင်မြတ်သည် (ကအ်ဗဟ်)ကျောင်းတော်မြတ် ကို လူခပ်သိမ်း တို့အဘို့ သွားရောက်စုဝေးရာ ဗဟိုဌာနအဖြစ်ဖြင့်လည်းကောင်း၊ အဘယဒါယီဘေးရန် ခပ်သိမ်း ကင်းငြိမ်းရာ ဌာန အဖြစ်ဖြင့်လည်းကောင်း၊ပြုလုပ်သတ်မှတ်တော်မူခဲ့လေပြီ။ ထို့ပြင်တဝ နဗီတမန်တော်အစ်ဗ်ရာဟီမ်(အ) ရပ်တည် ရာနေရာကို ဆွလာတ်ဝတ်ပြုရန်နေရာအဖြစ် သတ်မှတ်ကြကုန်ဟူ၍ အသင်တို့ကို ငါမိန့်တော်မူခဲ့ လေသည်။ ထိုမှတပါး ငါအရှင်မြတ်သည် နဗီတမန်တော်အစ်ဗ်ရာဟီမ်(အ)နှင့် နဗီတမန်တော် အစ္စမာအီလ်(အ)တို့အားအသင်တို့နှစ်ဦးသည် ငါအရှင်မြတ်၏ (ကအ်ဗဟ်) ကျောင်းတော်မြတ်ကို လှည့်ပတ်ဖူးမျှော်ကြသူတို့ အဘို့အရာလည်းကောင်း၊ တရားကိုနှစ်သက်၍ ထိုကျောင်းတော်၌ တစ်ကိုယ်တစ်ကာယတည်း အိအ်တိကာဖ် ပြုလုပ်သီတင်းသုံး နေထိုင်ကြသူတို့ အဘို့အရာ လည်းကောင်း၊ ဦးညွတ်ရိုကျိုးသော သူအပေါင်းတို့ အဖို့အရာလည်းကောင်း၊ ပျပ်ဝပ်ဦးချသောသူအပေါင်းတို့အဘို့အရာလည်းကောင်း ဤငါ၏အိမ် တော်ကို(ရုပ်ပွားဆင်းတု၊ အညစ်အကြေး၊ အစရှိသည်တို့မှ) ရှင်းလင်းထားကြရမည်ဟု အမိန့်တော်ကို ချမှတ်တော်မူခဲ့ လေသတည်း။
၀၀၂ : ၁၂၆။ ထို့ပြင်တဝ(ပြန်လည်အောက်မေ့သတိရ ကြကုန်လော့) တပါးသောအခါ၌ နဗီတမန်တော် အစ်ဗ်ရာဟီမ်(အ)သည် (အလ္လာဟ် အရှင်မြတ် အထံတော်၌ ဤသို့လျှောက်ထားပန်ကြားသည်၊) အို-ကျွန်တော်မျိုးအား မွေးမြူတော်မူသောအရှင်၊ ဤဒေသကို (ခပ်သိမ်းကုန်သော ဘေးရန်တို့မှ ကင်းစေ၍) ငြိမ်းချမ်းသာယာ (စည်ကားလှသော) မြို့တော်ဖြစ်ပါစေသတည်း၊ ထို့ပြင်ဤဒေသ၌ (မှီတင်းနေထိုင်ကြ ကုန်သော)မြို့သူမြို့သားများ အနက်မှ အလ္လာဟ် အရှင်မြတ်ကိုလည်းကောင်း၊ (သေပြီးနောက် ပြန်လည်ရှင်ထမည့်) နောက်ဆုံးနေ့ကိုလည်းကောင်း ယုံကြည်သူ (အပေါင်း) တို့အားလည်းသစ်သီးဝလံ ခဲဘွယ်ဘောဇဉ် အမျိုးမျိုးကို စားသောက်သုံးစွဲရန်အလို့ငှာ ပေးသနားတော်မူပါ။(ထိုရောအခါ) အလ္လာဟ် အရှင်မြတ်က [အစ်ဗ်ရာဟီမ်] အသင်တင်လျှောက်သည့်ပတ္ထနာ ဆုမွန်ကို ငါအရှင်မြတ်သည် လက်ခံတော်မူလေပြီ။သို့ငြားလည်း ငါအရှင်မြတ်သည် ဤမြို့သူမြို့သားများအနက်မှ ငါအရှင်မြတ်ကို မယုံမကြည်သွေဖည် ငြင်းပယ်သူတို့အားလည်း အနည်းငယ် မျှကာလအဘို့ (လောကီ)စည်းစိမ်ကို ပေးသနားတော်မူမည်။ နောင် တမလွန်ဘဝ၌မူ ငါအရှင်မြတ်သည် ထိုသူတို့အား ငရဲမီးဘေးရှိရာသို့ အတင်းအကြပ်မောင်းနှင် (ပို့ဆောင်)တော် မူမည်။ အမှန်စင်စစ် (ယင်းသူတို့)လားရာခရီး လမ်းဆုံးစခန်း သည် အလွန်ပင်ဆိုးဝါး လှပေသည်တကား ဟု မိန့်ကြား တော်မူလေသည်။
၀၀၂ : ၁၂၇။ ထိုမှတပါး (ပြန်လည်အောက်မေ့သတိရကြ ကုန်လော့) အခါတပါး၌ နဗီတမန်တော် အစ်ဗ်ရာဟီမ် (အ)နှင့်(သားတော်) နဗီတမန်တော် အစ္စမာအီလ် (အ)တို့သည်(ကအ်ဗဟ်) ကျောင်းတော်မြတ်၏ ကျောက်နံရံကို မြှင့်တင်နေစဉ် (ဤသို့ဆုမွန်များကို တောင်းဆိုကြကုန်၏)။ အိုကျွန်တော်မျိုးတို့အား မွေးမြူတော်မူသောအရှင်၊ ကျွန်တော်မျိုးတို့ထံမှ (ဤကောင်းမှုကို မိမိ၏အနန္တကျေးဇူးတော် ဂုဏ်ဖြင့်)သဘောတူလက်ခံယူတော်မူပါ၊ ဧကန်မုချ အရှင်သည်သာလျှင်(ကျွန်တော်မျိုးတို့ တောင်းဆိုသော ဆုများကို) ကြားတော်မူသောအရှင် (ကျွန်တော်မျိုး တို့၏အာသာန္ဒများကိုလည်း)သိတော်မူသော အရှင်ဖြစ်တော်မူပါ၏။
၀၀၂ : ၁၂၈။ အို-ကျွန်တော်မျိုးတို့အား မွေးမြူတော်မူသောအရှင်၊ အရှင်သည် ကျွန်တော်မျိုးတို့အား မိမိ၏ အမိန့်တော်ကိုခံယူသူ မွတ်စ်လင်မ်နှစ်ဦးဖြစ်စေတော်မူပါ၊ ထိုနည်းတူစွာကျွန်တော်မျိုးတို့၏ သားစဉ်မြေးဆက် ကိုလည်း အရှင်၏ အမိန့်တော်ကို နာခံကြသူ မွတ်စ်လင်မ်များ ဖြစ်စေတော်မူပါ၊ ထိုမှတပါးအရှင်မြတ်သည် ကျွန်တော်မျိုး အား သာ သနာရေး၌ လိုက်နာကြရမည်ဖြစ်သော နည်းနာနိသျည်း အစီအစဉ်တို့ကိုလည်း စံနစ်တကျ ကျင့်သုံးနိုင်ကြစေခြင်းငှာ သင်ကြားပြသပေးသနားတော်မူပါ၊ ထို့ပြင်လည်း အရှင်မြတ်သည် ကျွန်တော်မျိုးတို့ဖက်သို့ ကရုဏာတော်ဖြင့် လှည့်တော်မူပါ၊ ဧကန်ဆတ်ဆတ်အရှင်မြတ်သည်သာလျှင် ကရုဏာ တော်ဖြင့် အကြိမ်ကြိမ်အဖန်ဖန် လှည့်တော်မူသော အရှင်၊ အစဉ်အမြဲ သနားကြင်နာညှာတာတော်မူသောအရှင် ဖြစ်တော်မူပါ၏။
၀၀၂ : ၁၂၉။ အို- ကျွန်တော်မျိုးတို့အားမွေးမြူတော်မူသောအရှင်၊ (အရှင်မြတ်၏) တရားဒေသနာတော်များကို ယင်းသူတို့၏ ရှေ့မှောက်ဝယ် ရွတ်ဖတ်သရဇ္ဈာယ် ရန်အလို့ငှာလည်းကောင်း၊ ကျမ်းဂန်ဓမ္မက္ခန်နှင့်တကွ ဉာဏ်အမြော်အမြင်ကိုပါသွန်သင်ပြသသင်ကြားပေး ရန်အလို့ငှာလည်းကောင်း၊ ယင်းသူတို့အား အပြစ်ဒုစရိုက်မှုများမှ သန့်ရှင်းစင်ကြယ်စေရန် အလို့ငှာလည်းကောင်း၊ ယင်းသူတို့အနက်မှပင် (ဆွေမျိုးသား ချင်းတော်စပ်သော) ရစူလ်တမန်တော်တစ်ပါး ကို ထိုသူတို့ တွင်ပွင့်စေတော်မူပါ၊ ဧကန်မုချ အရှင်မြတ် သည်သာလျှင် တန်ခိုးအာနုဘော်နှင့် ပြည့်စုံတော်မူထသောအရှင်၊ ထူးသော အသိဉာဏ် အမြော်အမြင်နှင့် ပြည့်စုံတော်မူ သောအရှင် ဖြစ်တော်မူပေသတည်းဟု [နဗီတမန်တော် အစ်ဗ်ရာဟီမ်(အ) နှင့် သားတော် နဗီတမန်တော် အစ္စမာအီလ်(အ)တို့သည် ဆု တောင်းပတ္ထနာ ပြုကြလေသည်။]
၀၀၂ : ၁၃၀။ မိမိကိုယ်ကို မိမိပင် လူမိုက်လူ့ဗာလဖြစ်စေသောသူမှအပ အဘယ်သူသည် နဗီတမန်တော် အစ်ဗ်ရာဟီမ်(အ)၏ သာသနာမှ မျက်နှာလွှဲဖယ် တိမ်းရှောင် သွားနိုင်ပါမည်နည်း။ စင်စစ်တမူကား ငါအရှင်မြတ် သည် ထိုနဗီတမန်တော် အစ်ဗ်ရာဟီမ်(အ)အား ချစ်မြတ်နိုး၍ ဤလောက၌ နဗီတမန်တော်အဖြစ်ဖြင့် ရွေးချယ် ချီးမြှင့်တော်မူခဲ့လေပြီ။တဖန် နောင်တမလွန်ဘဝ၌ လည်း ထိုနဗီတမန်တော်သည်ပါရမီရှင် သူမွန် သူမြတ်များအနက်မှ မလွဲဧကန် ဖြစ်လတ္တံ့။
၀၀၂ : ၁၃၁။ ပြန်လည်အောက်မေ့သတိရကြကုန်လော့)အကြင်အခါ၌ နဗီတမန်တော် အစ်ဗ်ရာဟီမ်(အ)ကို အလ္လာဟ် အရှင်မြတ်က [အို-အစ်ဗ်ရာဟီမ်(အ) အသင်သည် ငါအရှင်မြတ်၏]အမိန့်နာခံသူ (မွတ်စ်လင်မ်) ဖြစ်ပါလေဟု မိန့်ကြားတော် မူခဲ့၏။ထိုအခါ နဗီတမန်တော် အစ်ဗ်ရာဟီမ်(အ)က ကျွန်တော်မျိုးသည် ခပ်သိမ်းကုန်သော စကြာဝဠာအပေါင်းတို့ကိုမွေးမြူတော် မူထသောအရှင်မြတ်၏ အမိန့်တော်ကို ကြည်ဖြူစွာခံယူပါပြီဟု တင်လျှောက် ခဲ့လေသတည်း။
၀၀၂ : ၁၃၂။ ထို့ပြင် နဗီတမန်တော် အစ်ဗ်ရာဟီမ်(အ)နှင့်နဗီတမန် တော် ယအ်ကူဗ်(အ)တို့သည် ထိုအကြောင်း ကိစ္စနှင့်စပ်လျဉ်း၍ မိမိတို့၏သားများကို အို-ငါ၏ သားအပေါင်းတို့မုချဧကန် အလ္လာဟ် အရှင်မြတ်သည် အသင်တို့အဘို့ရာ(အစ္စလာမ်) သာသနာ တော်ကို ရွေးချယ်တော်မူပြီးဖြစ်ရာအသင်တို့သည် အမိန့်တော်ကိုနာခံသော မွတ်စ်လင်မ်များ အဖြစ်နှင့် သာလျှင် သေဆုံးကြလေလော့ဟု နောက်ဆုံး စကားမှာကြားခဲ့လေသည်။
၀၀၂ : ၁၃၃။ နဗီတမန်တော် ယအ်ကူဗ်(အ) သည် အလ္လာဟ် ၏အမိန့်တော်ခံယူမည့်ဆဲဆဲ၌ မိမိ၏ သားများကို(အမောင်တို့)အသင်တို့သည် ငါကွယ်လွန်ပြီးသည့်နောက် မည်သည်ကိုဆည်းကပ် ကိုးကွယ်ကြမည်နည်းဟုမေးမြန်းတော်မူရာ သားများ က (အို-ဖခမည်းတော်)ကျွန်တော်တို့သည် ကျေးဇူးရှင်မွေးသဖခင်နှင့်တကွ ဘခင်၏ ဘိုးဘေးများ ဖြစ်သော နဗီတမန်တော် အစ်ဗ်ရာဟီမ်(အ)၊ နဗီတမန်တော် အစ္စမာအီလ်(အ)နှင့် နဗီတမန်တော် အစ္စဟာက်(အ)တို့၏ ကိုးကွယ်ဆည်းကပ်ရာ တစ်ဆူတည်းသော အလ္လာဟ် အရှင်မြတ်ကိုသာလျှင် ခဝပ်ကိုးကွယ်ကြပါမည်။ ထိုအရှင်၏ တရား ဒေသနာတော်များကိုသာလျှင် မြေဝယ်မကျ နာခံကြမည့် မွတ်စ်လင်မ်များဖြစ်ကြပါမည်ဟု ဖြေကြား ကြလေသည်။ (အို-ယဟူဒီနှင့် ခရစ်ယာန်ဘာသာဝင်် အပေါင်းတို့) နဗီတမန်တော်ယအ်ကူဗ်(အ)သည် မိမိ၏သားများကို ယင်းကဲ့သို့သောပစ္ဆိမဝစန စကားပြောကြားနေစဉ်အသင်တို့သည် မိမိတို့ကိုယ် တိုင် ရှိခဲ့ကြပါသလော၊ (အမှန်သော် သင်တို့သည် ထိုအချိန်၌မရှိခဲ့ချေ။ သို့ဖြစ်ပါလျက်ထိုနဗီတမန်တော်များနှင့် စပ်လျဉ်း၍ အသင်တို့သည် ယခုအခါ၌ မည်သည့် နည်းဖြင့် ဤသို့ မဟုတ်မမှန်သော စကားကိုပြောဆိုနိုင်ကြပါသနည်း၊)
၀၀၂ : ၁၃၄။ (မည်သို့ပင်ဖြစ်စေ) ယင်းသူတို့သည် (အတိတ်ကာလ၌) လွန်လေပြီးသော သာသနာဝင် လူစုဖြစ်ကြ၍ယင်းသူတို့ ပြုကျင့် ဆည်းပူးခဲ့သမျှသော သုစရိုက်မှု ကုသိုလ်ကံ၊ဒုစရိုက်မှု အကုသိုလ်ကံတို့သည် ယင်းသူတို့အဖို့သာတည်း။ထိုနည်းတူစွာ အသင်တို့ ပြုကျင့်ဆည်းပူးခဲ့သမျှသော (ကောင်းမှု မကောင်းမှု) တို့၏ ကျိုးသည်လည်း အသင်တို့အဖို့သာတည်း။ ထိုမှတပါးတုံ အသင်တို့သည် ယင်းသူတို့ပြုကျင့်ခဲ့လေသော ကိစ္စများနှင့်စပ်လျဉ်း၍ စောကြော မေးမြန်းခြင်းကိုခံကြရမည် မဟုတ်ပေ။
၀၀၂ : ၁၃၅။ ထို့ပြင်တဝ ယဟူဒီနှင့် ခရစ်ယာန်ဘာသာဝင်တို့က မွတ်စ်လင်မ်တို့အား ပြောဆိုကြသည်မှာ အသင်တို့သည်ယဟူဒီ ဘာသာဝင်များသော် လည်းကောင်း၊ ခရစ်ယာန် ဘာသာဝင်များ သော်လည်းကောင်း၊ ဖြစ်ကြကုန်လော့။ သို့မှသာလျှင် အသင်တို့သည် မှန်ကန်သောတရားလမ်းကို ရရှိကြလတ္တံ့ဟု ပြောဆိုကြ သည်။ အို-နဗီတမန်တော် အသင်သည် သူတို့အား ဤသို့ ပြန်လည်ဖြေကြားပါလေ။ (ဟယ်-အချင်းတို့) အသင်တို့ ပြော စကားမှားစွ၊ ငါတို့သည် နဗီတမန်တော် အီဗ်ရာဟီမ်(အ)၏ သာသနာကိုယုံကြည် မြတ်နိုးသူများသာဖြစ်ကြ ကုန်၏။ ထိုနဗီ တမန်တော်သည် ဖြောင့်မတ်သောပုဂ္ဂိုလ် မြတ်ဖြစ်၏၊ ထိုနဗီတမန်တော်သည် အလ္လာဟ် နှင့် တွဲဘက် ကိုးကွယ်သူများတွင် အပါအဝင်လည်းမဟုတ်ချေ။
၀၀၂ : ၁၃၆။ (အို-မွတ်စ်လင်မ်အပေါင်းတို့) အသင်တို့သည် ဤသို့ပြောဆိုကြကုန်လော့၊ ကျွနု်ပ်တို့သည် အလ္လာဟ် အရှင်မြတ်ကိုလည်းကောင်း၊ အကျွနု်ပ်တို့ထံပို့ချသော ဓမ္မဒေသနာ (ကုရ်အာန်ကျမ်းမြတ်) ကို လည်းကောင်း၊ နဗီတမန်တော် အစ်ဗ်ရာဟီမ်(အ)၊ နဗီတမန်တော် စ္စမာအီလ်(အ)၊ နဗီတမန်တော်အစ္စဟာက်(အ)၊ နဗီတမန်တော် ယအ်ကူဗ်(အ)နှင့် နဗီတမန်တော် ယအ်ကူဗ်(အ)၏ အမျိုးအနွယ် သားမြေးတို့ထံ ထုတ်ပြန်ပို့ချသော တရားဒေသနာတော်များကိုလည်းကောင်း၊ ယုံကြည်ကြပါသည်။ ထို့ပြင် နဗီတမန်တော် မူစာ(အ)နှင့်နဗီတမန်တော် အီစာ(အ)တို့အား ပေးသနားတော်မူခြင်းခံရသောတရားဓမ္မများကိုလည်း ယုံကြည်ကြပါပြီ။ ထို့ပြင်အကျွနု်ပ်တို့သည် နဗီတမန်တော်အပေါင်းတို့ထံသို့ ထိုနဗီတမန်တော်များကို မွးမြူတော်မူသောအရှင်၏ အထံတော်မှပေးသနားတော်မူခြင်း ခံရကုန်သော ဒေသနာတော် များကိုလည်း ယုံကြည်ကြပါပြီ။ (ထိုသို့ယုံကြည်ရာ၌ အကျွနု်ပ်တို့သည်ထိုနဗီ တမန်တော်အပေါင်းတို့အနက်မှ နဗီတမန်တော် တစ်ပါးကို အခြားနဗီတမန်တော်တစ်ပါးနှင့် လုံးဝခွဲခြားခြင်းလည်းမပြုကြပါ၊ အမှန်သော်ကား ကျွနု်ပ်တို့သည်ထိုအလ္လာဟ် အရှင်မြတ်၏ ဒေသနာတော်ကို သာလျှင် လိုက်နာသူများပင် ဖြစ်ကြပါသည်။
၀၀၂ : ၁၃၇။ ထို့ကြောင့် အကယ်စင်စစ် (ယဟူဒီနှင့် ခရစ်ယာန် ဘာသာဝင်တို့သည်) အသင်တို့ယုံကြည်ကြသကဲ့သို့ယုံကြည်ကြပါမူ ဧကန်အမှန်ယင်းသူတို့သည်လည်း တရားလမ်းမှန်ကို ရရှိကြကုန်အံ့။ သို့ရာတွင် အကယ်၍သာ လွှဲဖယ်ရှောင်ရှားကျော ခိုင်းသွားကြပါမူ ယင်းသူတို့သည် ငြင်းခုံကွဲပြားဆန့်ကျင်ဘက်ပြုကြသူများသာ ဖြစ်ကြလတ္တံ့။ သို့ဖြစ်လေရာအကယ်၍ ယင်းသူတို့နှင့် ယှဉ်ပြိုင်ဖို့ရာ အကြောင်းကိစ္စပေါ်ပေါက်လာပါက အသင်သည် မစိုးရိမ်လင့်။ စင်စစ်သော်ကား ထို(အလ္လာဟ်) အရှင်မြတ်သည် အလုံးစုံတို့ကို အကြွင်းမရှိ ကြားတော်မူထသော အရှင်၊ အရာပ်သိမ်းကို အကြွင်းမရှိ သိစွမ်းတော်မူသောအရှင်ပေတည်း။
၀၀၂ : ၁၃၈။ (အို-မွတ်စ်လင်မ် အပေါင်းတို့၊ အသင်တို့သည်ယဟူဒီနှင့်ခရစ်ယာန် ဘာသာဝင်တို့ကို ဟယ်-အချင်းတို့အကျွနု်ပ်တို့ကို) အလ္လာဟ် အရှင်မြတ်သည် (အစ္စလာမ်သာသနာတော်၏) ဆေးရောင်ဖြင့် ချယ်ထားတော်မူလေပြီ။ ထိုအလ္လာဟ် အရှင်မြတ် ထက်ပင် သာ၍ကောင်းမွန်စွာ ဆေးရောင်ချယ်နိုင်သူ မည်သူရှိပါသေးသနည်း။ ထို့ကြောင့် အကျွနု်ပ်တို့သည် ထိုအလ္လာဟ် အသျှင်မြတ်ကို သာလျှင် ခဝပ် ကိုးကွယ်ကြသူများဖြစ်ကြသည် (ဟု ပြောဆိုကြ ကုန်လော့)။
၀၀၂ : ၁၃၉။ [အို-နဗီတမန်တော် မုဟမ္မဒ်(ဆွ)၊ အသင် သည်ယင်းယဟူဒီနှင့် ခရစ်ယာန်ဘာသာဝင်တို့ကို] ဟယ်-အချင်းတို့အသင်တို့သည် အလ္လာဟ် အရှင် မြတ်နှင့် ပတ်သက်၍ ငါတို့နှင့်အခြေအတင် ပြောဆိုငြင်းခုံကြလေသလော၊ စင်စစ်တမူကားထိုအရှင်မြတ်သည်သာလျှင် ငါတို့ကိုလည်းကောင်း၊ အသင်တို့ကိုလည်းကောင်း၊ မွေးမြူတော်မူသော အသျှင်တည်း။ ထို့ပြင်တဝ ငါတို့၏ ကိုယ်ကျင့်သီလ များသည် ငါတို့အဖို့အရာသာဖြစ်သည်၊ ထိုနည်းတူစွာ အသင်တို့၏ ကိုယ်ကျင့်သီလ များသည်လည်း အသင်တို့အဘို့အရာသာဖြစ်သည်။ ငါတို့သည် ထိုအရှင်မြတ်ကိုသာလျှင် စိတ်စေတနာ ဖြူစင်စွာဖြင့် ကိုးကွယ်ဆည်းကပ်သူများ ဖြစ်ကြလေသည် ဟု ပြောကြားပါလေ။
၀၀၂ : ၁၄၀။ အသင်တို့က နဗီတမန်တော်များဖြစ်ကြသောအစ်ဗ်ရာဟီမ်(အ)၊ အစ္စမာအီလ်(အ)၊ အစ္စဟာက်(အ)၊ ယအ်ကူဗ်(အ)နှင့် [နဗီတမန်တော် ယအ်ကူဗ်(အ)၏ သားမြေးတို့အနက်] ပွင့်သမျှသောနဗီတမန်တော်များ သည်ယဟူဒီ ဘာသာဝင်များသော်လည်းကောင်း၊ သို့မ ဟုတ် ခရစ်ယာန်ဘာသာဝင်များသော်လည်းကောင်း၊ ဖြစ်ခဲ့ကြလေသည်ဟုပြောဆိုကြလေသလော။ အို-နဗီ တမန်တော်မုဟမ္မဒ်(ဆွ) အသင်သည် ယင်းသူတို့အား ဟယ်-အချင်းတို့၊ (ဤအကြောင်းကို)အသင်တို့က ပင်ပို၍သိရှိကြလေသလော၊ သို့တည်းမဟုတ်အလ္လာဟ် အရှင်မြတ်ကပင် ပို၍ပင်သိရှိတော်မူပါသလောဟု မေးပါလေ၊(အကယ်၍ ဤအကြောင်းကိုသိလျက်နှင့် ပင်ယင်းသူတို့လျှို့ဝှက်ထားကြပါလျင်) အလ္လာဟ် အရှင်မြတ်အထံတော်မှ ချပေးသနားတော်မူသော သက်သေခံချက်ကိုထိမ်ချန်လျှို့ဝှက်ထားသောသူ ထက်သာလွန်၍မတရား သောသူ သည် အဘယ်မှာ ရှိနိုင်ပါအံ့နည်း။ အမှန်စင်စစ်သော်ကားအလ္လာဟ် အရှင်မြတ်သည် အသင်တို့ပြုကျင့်ကြကုန်သောကိစ္စအဝဝကို လျစ်လျူရှုတော်မူမည့် အရှင်မဟုတ်ပေ။
