၀၉၈။ စူရာ ဘိုင်ယိန : ထင်ရှားသောသာဓက ကဏ္ဍ (မဒီနာမြို့တော်ကျ- အစောင် ၃၀၊ ၈ အာယသ်တော်)
October 30, 2021 2021-10-30 7:36၀၉၈။ စူရာ ဘိုင်ယိန : ထင်ရှားသောသာဓက ကဏ္ဍ (မဒီနာမြို့တော်ကျ- အစောင် ၃၀၊ ၈ အာယသ်တော်)
၀၉၈။ စူရာ ဘိုင်ယိန : ထင်ရှားသောသာဓက ကဏ္ဍ (မဒီနာမြို့တော်ကျ- အစောင် ၃၀၊ ၈ အာယသ်တော်)
Notice: Undefined index: options in /home/kpr4d695aq7d/public_html/wp-content/themes/edumall/elementor/widgets/original/section.php on line 45
မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။
၀၉၈ : ၁။ ရှေးကျမ်းဂမ် ရရျိကြသူတို့အနက်မှ၄င်း၊ မွရှ်ရစ်က် တို့အနက်မှ၄င်း၊ ငြင်းပယ်သူတို့မှာကား ၄င်းတို့ထံ ထင်ရှားသော သာဒက မရောက်ရှိကြသမျှကာလပတ်လုံး (မိမိတို့မူဝါဒဟောင်းမှ) စွန့်ခွာကြမည့်သူများ မဟုတ်ခဲ့ကြပေး။
၀၉၈ : ၂။ သန့်ရှင်းသော ကျမ်းစာမျာကို ဖတ်ကြားအံ့သော အလ္လာဟ်အရှင်မြတ်၏ ရစူလ်် တစ်ပါးပင်ဖြစ်သည်။
၀၉၈ : ၃။ ယင်းကျမ်းစာများမှာ မှန်ကန်သော အကြောင်းအရာများ ရေးသားပါရှိသော ကျမ်းစာများပင်ဖြစ်သည်။
၀၉၈ : ၄။ သို့ရာတွင် ရှေးကျမ်းဂန်ရရှိသူတို့မှာ ၄င်းတို့ထံ ထင်ရှားစွာ သက်သေသာဓက ရောက်ရှိလာပြီးသည့် တိုင် ကွဲလွဲခဲ့ကြကုန်လေသည်။
၀၉၈ : ၅။ စင်စစ် ထိုသူတို့အား အလ္လာဟ်အရှင်မြတ်ကိုသာ သီးသန့် အာရုံစူးစိုက်လျှက် ကိုးကွယ်ကြရန်၄င်း ဆွလာတ်ဝတ်ပြုရန်၄င်း၊ ဇကာတ်ပေးရန်၄င်း၊ အမိန့်ပေးခံခဲ့ကြရသည်။ စင်စစ် ဤသည်သာ မှန်ကန်သည့် လမ်းစဉ်ပင်တည်း။
၀၉၈ : ၆။ ရှေးကျမ်းဂန် ရရှိသူတို့အနက်မှလည်းကောင်း၊ “မွရှ်ရစ်က်” တို့အနက်မှလည်းကောင်း၊ သွေဖည် ငြင်းပယ်ခဲ့ကြကုန်သောသူတို့မှာ ဧကန်အမှန် ဂျဟန္နမ်ငရဲဝယ် အမြဲ နေထိုင်ကြရသူများဖြစ်ပေမည်။ ထိုသူတို့သည် အဖန်ဆင်းခံတို့တွင် အဆိုးဆုံးသောသူများပင်ဖြစ်၏။
၀၉၈ : ၇။ “အီမာန်” သက်ဝင်ယုံကြည်ကာ ကောင်းသော အကျင့်သီလများကို ဆောက်တည်ကြသော သူတို့သည် စင်စစ် အဖန်ဆင်းခံတို့တွင် အကောင်းဆုံးသောသူများပင် ဖြစ်ကြကုန်၏။
၀၉၈ : ၈။ ၄င်းတို့၏ဖန်ဆင်းရှင်ထံမှရမည့် ဆုလဒ်ကား အမြဲနေထိုင်ကြရမည့် ဥယျာဉ်များပင် ဖြစ်ကြကုန်၏။ ထိုဥယျာဉ်များ၏အောက်မှ ရေချောင်းများသည် တသွင်သွင်စီးတွေလျက် သူတို့သည် ထိုဥယျာဉ်များတွင် အမြဲထာဝစဉ် နေထိုင်စံမြန်းကြရမည်။ အလ္လာဟ်အရှင်မြတ်သည်လည်း ၄င်းတို့အပေါ်ကျေနပ်သလို သူတို့သည် အလ္လာဟ်အရှင်မြတ်အပေါ် ကျေနပ်နေမည်။ ဤသည်ကာ အလ္လာဟ်အရှင်မြတ်အား ကြောက််ရွံ့သောသူတို့အဖို့သာတည်း။
